Avaria ho konjestionamentu hamosu problema sira iha ligasaun dadus sira Timor Telecom nian

Avaria no susar tékniku nian ne'ebé mosu beibeik, sai aat liu bainhira iha adezaun boot ida ba kampaña hodi hetan kliente sira hamosu daudaun susar iha sirkulasaun no problema sira iha rede dadus nian hosi operador telekomunikasaun boot iha Timor-Leste, Timor Telecom.

"Aleinde avaria balun, ne'ebé hadi'a ona, iha mós adezaun boot ida ba ami nia kampaña foun no ne'e hamosu susar iha sirkulasaun iha espasu satelit nian", hatete hosi Manuel Capitão Amaro, administrador delegadu Timor Telecom nian, ba Lusa.

"Ami rezolve hela problema, ami kontrata tan fatin satelit nian no ami halo hela negosiasaun hodi kontrata fatin adisional iha tempu badak", nia hatutan.

Ligasaun sira ba internet ne'ebé Timor Telecom halo hanesan kanaliza liuhosi satelit, iha kazu ne'e aluga ba empreza 03B, ne'ebé maka empreza timoroan agora daudaun kontrata ona 1,032 G hosi fatin satelit nian.

Iha semana hirak ikus ne'e Timor Telecom nia serbisu hetan problema oioin hodi hamosu kesar sira hosi utilizador barak iha empreza no mós krítika iha rede sosial sira.

Utilizador sira kesar kona-ba problema oioin, hosi susar iha liña telemóvel sira nian - ho ligasaun ne'ebé susar atu halo ka mensajen sira ne'ebé to'o tarde - problema sira iha rede 3G no iha liña fiksu sira internet nian.

Hanesan ezemplu, bainhira utilizador sira telefone iha telemóvel, ligasaun 3G hosi telefone pasa automátiku ba 2G (espasu lian nian) no la fila automátika ba 3G, hanesan baibain akontese bainhira ligasaun hotu.

Utilizador sira tenki, bainhira hakotu ligasaun telefone nian, liga no desliga pozisaun aviaun nian hosi sira nia telefone sira hodi bele hetan fali sinal 3G.

Hanesan mós problema boot sira, aumenta mós gastu ba serbisu liña internet fiksu nian ne'ebé maka velosidade ki'ik tebes hosi folin kontratadu iha momentu barak durante loron.

Fonte empreza nian hatete ona ba Lusa katak aleinde problema tékniku sira, ho avaria foun hosi ekipamentu importante sira ne'ebé sira tenki muda ho ekipamentu sira seluk ne'ebé importa hosi Estadus Unidus, empreza hasoru mós ho impaktu ne'ebé la loos kona-ba nia futuru.

Asionista boot hosi empreza, brazileiru Oi (ne'ebé kaer partisipasaun ne'ebé uluk hanesan hosi PT), durante tinan rua resin maka iha hela prosesu fa'an nia kapital.

Prosesu, ne'ebé agora daudaun hein hela desizaun hosi justisa brazileiru - tanba Oi hasoru hela rekuperasaun judisial - kontinua lahó loron hodi hato'o konkluzaun, hein hela resposta ba pedidu autorizasaun fa'an nain ba grupu Investel Communications Limited, hosi emprezáriu timoroan Abílio Araújo, ho dolar millaun 62.

Ho presaun hodi hamenus kustu sira hosi parte asionista prinsipal nian halo "hamenus investimentu to'o limiti" hodi husik empreza lahó kondisaun sira "hodi hatán lalais ba buat nesesáriu sira", hatete hosi fonte hanesan.

Bainhira husu kona-ba kestaun ne'e, Capitão Amaro lakohi halo komentáriu ida.

SAPO TL ho Lusa