Banco sentral extende operasaun iha Oe-Cussi, Alkatiri husu prezensa ANZ-Mandiri

OE-CUSSI - Governador Banco Central, Abrão de Vas Conselho ho Prezidente Autoridade Regiaun Admistrativa Espesia-Oe-Cussi Ambeno (RAE-OA), Mari Alkatiri iha loron (17/02) asina Memorandu de Entendementu atu implementa programa intensivu edukasaun finanseira iha RAE-OA.

“Banku Central desidi ona katak iha fulan ida ne’e nia laran (Fevereiru), Banco Central extende operasaun sukrusal Banco Central nian iha Oe-Cussi,” Governador Banco Central deklara lia hirak ne’e, ba partisipante sira ne’ebé partisipa iha seremonia MoU ne’ebé realiza iha salaun SERAO Oe-Cussi.

Governador Banco Central ne’e mos rekuinese katak Prezidente Autoridade RAE-OA (Mari Alkatiri), laos foin mak apoio BCTL, maibe iha tempu barak nia laran prezidente RAE-OA sempre hatudu apoio, laos de’it ba Banco Central, maibe ba dezemvolvimentu sistema finanseiru Timor-Leste laran tomak.

“Ha’u koalia laos tanba politika maibe ne’e realidade tanba ha’u diretor geral dezde Agostu 2004, ha’u hatene di’ak iha previleziu, tanba servisu hamutuk primeiru ministru nain 5, ha’u hatene di’ak Mari hanesan defensor principal ba indepedensia Banco Central no dezemvolvimentu Central no sistema finanseira iha Timor-Leste,” dehan Governador BCTL.

Entertantu Prezidente Autoridade Regiaun Admistrativa Especial-Oe-Cussi Ambeno (RAEOA) Mari Alkatri kontenti tanba Banco Central agora establese tan iha Oe-Cussi maibe nia preokupa ho kondisaun uma ne’ebé nia intrega BCTL to’o agora nafatin no seidauk hadia. “Uluk antes 28 Novembru ha’u lao sai tiha derepenti kompañia balun tama dehan atu suru sai tiha uma atu prezidente labele haree uma tuan tanba de’it prezidente iha momentu atu ba iha Oe-Cussi.

Ha’u dehan labele, labele laos tanba entrega ona ba iha Banco central maibe ha’u dehan uma ne’e patrimonio istoriku ida, ita labele lori makina dudu,” Prezidente Zona Espesia Ekonomia Merkado Social ne’e haktuir. Marii Alkatiri mos husu ba Banku Komersial sira seluk hanesan Banku Mandiri nomos banku ANZ atu establese mos nia ramu iha Oe-Cussi tanba to’o agora sidauk establese.

“Ami iha Oe-Cussi halao de’it ho Mandiri Kupang, Mandiri Atanbua, Mandiri Kefa, maibe Mandiri Dili seidauk iha prezensa iha Oe-Cussi, instituisaun bankaria operasaun hahu 2018 iha Oe-Cussi. Tanba atu hahu implementa novo modelu istituisaun ekonomika finanseira, atu kria banku regional ida, para bele hahu programa ida kada familia ida um titulu partisipasaun iha prosesu dezemvolvimentu territorial tomak,”katak nian.

Prezidente Autoridade ne’e nia hakarak halo dezemvolvientu modelu ida sai hanesan um grande imprendementu ba ema hotu-hotu, ne’ebé atu hahu iha 2018/2019. “Operasaun bankaria iha Oe-Cussi importante tebes, atu bele impremi dinamika foun ne’e ba operasoesn finanseira, atu hanesan referensia ba rai Timor-Leste ba iha oin mai,” katak Alkatiri.

Autoridade ne’e relata katak iha Oe-Cussi, familia hamutuk 1415 mil, tan ne’e hakarak servisu hamutu ho Banco Central para halo operasuan boot iha Oe-Cussi. “Maibe Banco Central Regional, iha region ne’e, nova central regiaun tanba ha’u nia planu atu hari centralidade foun, ekonomika finanseira social. Ha’u la iha duvidas, ha’u banhira hakarak buat ida, ha’u so hatene manan de’it lakon ha’u lakohi,” Alkateri dehan.

Alende ne’e CEO BNU Timor, Fernando Toarão Alves promente atu loke 300 konta bankaria ba familia ida labarik ida no BNU mos sei tau $20 ba iha konta bankaria labarik nian ne’ebe ho naran “ha’u nia futuru”. “ Programa hahu banku mak tau $20. Familia bele kontribui $1.00, ida atu hahu prosesu ida, ne’e sei implemena Fevereiru no Marsu nia laran,” hatete Fernando. (BT)

Business Timor