terça-feira, 14 de março de 2017

Pensaun Vitalisia, Estadu Lakonsidera Preokupasaun Povu

PARTILHAR
DILI - Pensaun Vitalisia neebe maioria Povu Timor Leste preokupa no husu atu halo alterasaun hodi hamos total maibe Parlamentu Nasional halo deit alterasaun tan nee lakonsege responde povu nia hakarak.

Tuir Asesor Servisu Apoiu Politika ba prezidente Republika, Filipe de Costa hatete povu barak mak preokupa durante Vizita prezidente Republika ba iha suku maibe Parlamentu lakonsege halo alterasaun hodi hamos total.

Hau nia observasaun akompaina Prezidente ba Vizita suku, povu barak mak hakarak halo alterasaun ba lei pensaun vitalisia, maibe estadu labele responde maske povu mak hili hodi harii estadu no governu,” dehan Filipe ba STL Tersa (14/03/2017) iha nia knar fatin Palasiu prezidensial Nicolao Lobato.

Nia hatete povu hatoo nia pedidu ba iha Parlamentu, maibe palamentu lakohi muda nunee bele sai fator ida deskontentamentu husi povu nia hanoin ba estadu, tamba la konsege halo alterasaun hodi hamos total.

Iha fatin ketak ketak Direitur Luta hamutuk Mericio Akara hatete prosesu ba lei pensaun vitalisia lao tamba nee hein katak ukun nain sira bele hakotu ejijensia publiku nian maske sosiedade sivil hakarak halakon maibe desizaun tomak iha parlamentu tamba nee sira nia knar. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: