terça-feira, 14 de março de 2017

CNRT, FRETILIN Husu CNE Investiga Uza Bandeira Apoiu Kalohan

PARTILHAR
DILI – Bankada rua iha Parlamentu Nasional (PN) hanesan Bankada CNRT no Bankada Fretilin lakonkorda no husu ba Komisaun Nasional Eleisaun (CNE), atu investiga ema invidivu balun neebe uza bandeira Fretilin no CNRT apoiu ba Kalohan.

Tuir Deputadu Bankada Fretilin, Eladiu Faculto katak, hanesan deputadu husi bankada Fretilin lakonkorda tebes ba hahalok PD nian neebe lori partidu Fretilin nian apoiu kandidatura prezidente Kalohan.

Lakonkorda mos partidu demokratiku PD lori partidu Fretilin nian ba halo kampania, Fretilin iha duni ninia kandidatu mak kamara prezidente Francisco Guterres Lu-Olo laos Kalohan,” Deputadu Eladiu hatoo kestaun nee liu husi sesaun plenaria iha uma fukun PN-Dili, Tersa (14/03/2017).

Eladiu husu ba CNE atu investiga se mak lori bandeira Fretilin hodi fo apoiu ba kandidatura prezidente, tanba Fretilin iha nia kandidatu rasik mak prezidente Francisco Guterres Lu-Olo.

Iha fatin hanesan, Deputadu Bankada CNRT, Bendita Magno esplika, hanesan deputadu bankada CNRT konkorda hanoin husi bankada Fretilin nian katak tenke investiga se mak lori partidu CNRT ba apoiu kandidatura prezidente nee.

Nunee mos, Deputada Bankada PD, Jacinta Abucau dehan, Partidu Demokratiku (PD) hakfodak tebes-tebes wainhira ema individu lori bandeira partidu Fretilin no CNRT hodi fo apoiu ba kandidatu Kalohan. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: