domingo, 26 de março de 2017

CNE sertifika informasaun ikus sira ba Lu-Olo nia vitória

PARTILHAR
Komisaun Nasional Eleisaun (CNE) timoroan konklui ona, iha sábadu, prosesu verifikasaun ba kontajen nasional hosi eleisaun prezidensial sira iha loron-segunda liubá, ne'ebé maka Francisco Guterres Lu-Olo manán ona ho votu 57,1%.

Rezultadu ikus sira komprova ona hosi CNE hafoin analiza votu sira hotu hosi sentru votasaun hamutuk 696, konfirma katak Prezidente eleitu hetan ona votu 295.048 (57,1%), halakon klasifikadu daruak, António da Conceição, ho votu 167.794 ka 32,5%.

CNE konfirma ona katak eleitor hamutuk 528.813 maka vota ka 71,16% hosi total resenseadu, ne'ebé 516.881 hanesan votu válidu sira, votu mutin hamutuk 2.911, votu insignifikante hamutuk 8.989 no votu "rejeitadu" hamutuk 32.

Iha fatin datoluk, ho distánsia dook tebes hosi kandidatu na'in rua uluk, hetan hosi José Luis Guterres ne'ebé hetan votu 13.513 (2,62%), tuir José Neves ho votu 11.663 ka 2,26% hosi votu válidu sira (ne'ebé totaliza hamutuk 516.727).

Iha fatin dalima, entre kandidatu na'in ualu, mosu Luis Tilman, ne'ebé hetan votu 11.125 (2,15% hosi total), tuir António Maher Lopes, ho votu 9.098 ka 1,76% hosi total.

Iha pozisaun rua ikus sira okupa hosi Ângela Freitas ne'ebé hetan votu 4.353 ka 0,84%, no Amorim Vieira ne'ebé hetan votu 4.263 ka 0,83%.

Kandidatu na'in neen ne'ebé ladún simu votasaun entre sira oituan liu hosi votu rihun 54 (10,46% hosi total).

Lu-Olo manán ona iha munisípiu sia hosi munisípiu 12 (Aileu, Baucau, Bobonaro, Covalima, Díli, Lautem, Manatuto, Manufahi ho Viqueque), ho António da Conceição manán iha munisípiu Ainaro, Ermera ho Liquiçá no iha Rejiaun Administrativu Espesial Oecusse-Ambeno (RAEOA).

Prezidente eleitu, ne'ebé simu pose iha loron 10 Maiu, hetan nia rezultadu di'ak iha Viqueque, iha ponta leste nasaun nian, konsege hetan 82,79% hosi votu sira no aat liu maka iha Liquiçá, ne'ebé hetan de'it 41,35%.

António da Conceição rejista ona persentajen boot apoiu nian iha Liquiçá (49,82%) no aat liu iha Viqueque (9.67%).

Lu-Olo manán ona iha sentru votasaun tolu iha estranjeiru, hetan 65,61% hosi votu sira iha Lisboa, 64% hosi votu sira iha Sydney no 47,88% iha Darwin.

Informasaun sira, ne'ebé agora haruka ba Tribunal Rekursu ba validasaun final, hatudu katak Lu-Olo iha fatin dahuluk hosi 50% iha munisípiu hitu hosi munisípiu 12 hosi nasaun ne'e no António da Conceição la konsege maioria absoluta iha rejiaun ida iha nasaun.

Taxa boot liu hosi partisipasaun rejista iha Aileu, súl Díli nian, ne'ebé vota ona 81,49% no ki'ik liu iha Manufahi, iha mós súl kapital nian, ne'ebé vota de'it 68,05% hosi eleitor inskritu sira.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: