segunda-feira, 27 de março de 2017

Konfernsia Internasional Edukasaun, ME Antonio La Konvida PM Rui

DILI – Primeiru Ministru (PM) Rui Maria de Araujo, deklara ba publiku katak Konfrensia Internasiona Edukasaun nee kompetensia Governu nia, mai Ministru Edukasaun (ME) Antonio da Concecao realiza konfrensia nee, la konvida Xefi Governu.

Tuir PM Rui katak Ministru Edukasaun rasik embora la konvida Xefi Governu ba partisipa iha sermunia nee, maibe ME rasik esplika iha Televizaun dehan ida nee programa pilotu, programa pilotu nee halo tiha ona avaliasaun.

Hau dala ida tan hateten katak Ministru Edukasaun organiza konfrensia internasiona ida nee tuir lolos nee governu nia kompetensia, maibe la konvida Xefi Governu ba iha neeba, nee la iha problema mas prontu ME halo tiha ona aprezentasaun ida konba avalisaun ba insinu lingua materna, utilizasaun ba lingua materna ba insinu hodi nune la barik sira bele aprende ABC no numeru sira  lalais no diak liu, laos hanorin lingua materna,  buat rua nee la hanesan, pilotu neebe halo nee uza lingua materna, atu labarik aprende lee no hakerek lalais liu, depois sira hahu husi terseru anu eskolaridade, sira tama ona ba portages ho tetum,”hateten PM Rui, ba Jornalista sira hafoin remata komemorasaun loron mundial bee mos, iha Tibar, Sesta (24/03/2017).

Xefi Governu nee mos haklean tan katak ninia rezultadu avalisaun nee sira halo tiha ona, halo aprezentasaun iha Konsellu Ministru, ME rasik iha instrusoes atu halo fila fali analiza ida detalladu ba avalisaun ida nee hafoin lori mai konsellu Ministru atu rekomenda politika saida maka atu halo ba oin.

Iha parte seluk Observador Politiku (UNITL) Jose da Costa Lobo hateten Konfrensia internasional ba Edukasaun nia nee importante tebes, tanba nee tenke konvida hotu edukador sira husi Ensinu Baziku ba too iha Univesitariu sira tenke tuir hotu. Joao Anibal

Suara Timor Lorosae

Sem comentários: