segunda-feira, 27 de março de 2017

LAIHA LEI OBRIGA LU-OLO HUSIK FRETILIN, ALKATIRI MAK SEI AKUMULA SERVISU HOTU

PARTILHAR
Prezidenti Repúblika eleitu ba periodu 2017 to’o 2022, Francisco Guterres ‘Lu-Olo’ informa katak, laiha lei ida mak obriga nia atu husik nia partidu, bainhira eleitu ba Prezidenti Repúblika.

Lu-Olo esplika, inkompatibilidade ba funsaun Prezidenti Repúblika, ho prezidenti partidu. Inkompatibilidade ne’e ba funsaun, la’os inkompatibilidade ba militansia ninian no nia partidu FRETILIN.

“Ha’u kontinua hanesan partidu FRETILIN ninia ema, maibé funsaun ne’e mak inkompativel. Laiha lei ida hateten katak, sai ona Prezidenti Repúblika, ha’u tenki husik ha’u nia partidu, la’os hanesan ne’e,” relata Lu-Olo ba jornalista sira iha Comite Central da FRETILIN (CCF) Comoro Dili, Sesta (25/03).

Iha parte seluk, Sekretáriu Jeral Partidu FRETILIN, Mari Alkatiri dehan, Lu-Olo eleitu ona ba Prezidenti Repúblika, entaun servisu partidu nian, nia (Alkatiri-red) mak sei akumula hotu.

Alkatiri hatutan,  maske Lu-Olo eleitu ona ba Prezidenti Repúblika, nia la presiza atu sai husi partidu FRETILIN, tanba realidade hatudu katak, balu eleitu tiha ba Prezidenti Repúblika mak foin harii partidu.

“Nia (Lu-Olo) iha partidu ona, nia iha nia partidu nafatin, maibé iha ezersisiu lor-loron ne’e, ha’u mak akumula,”informa Alkatiri.cos

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: