DILI,
(ANTIL) – Prezidenti Repúblika (PR), Taur Matan Ruak afirma, nasaun ne’e
presiza governu kompetenti no transparente hahú ohin ba ohin, hodi hatan
ba povu ninia deskontentamentu ba prestasaun servisu orgaun ezekutivu nian.
“Alemde
kompetenti no transparente tenki iha kapasidade rezolve problema, kapasita
instituisaun sira atu presta servisu baziku ho kualidade ba
sidadaun”, Xefi Estadu ba jornalista sira iha Palásiu Prezidenti,
Aitarak-Laran, Sesta (10/3).
Prestasaun
servisu baziku ho kualidade la-halo, difisil involve sidadaun iha partisipasaun
dezenvolvimentu, nune’e hakarak ka lakohi tenki kria kondisaun.
Tempu
naton, governu mai tenki buka haforsa koezasaun polítika no sosiál, nune’e
populasaun pro-ativu partisipa iha prosesu dezenvolvimentu. Hametin ekonomia
atu lori nasaun ba moris di’ak. “Se la-halo buat hirak ne’e, defísil atu ita
kombate pobreza no avansa ba oin”, afirma.
Mal
governasaun, tuir nia, bele hamosu konflitu. Basa, sidadaun ohin loron
esklaresidu, la hanesan ona uluk, nune’e governante tenki hatene saida mak sira
sei halo, halo oinsá mak atinji objetivu, halo saida mak hetan, importante
nu’udar prinsípiu ukun nian tanba kuaze problema sira ne’ebé infrenta iha baze
hanesan de’it. (Jornalista: Manuel Pinto - Editora: Rita Almeida)
Foto:
Prezidenti Repúblika, Taur Matan Ruak. Foto Google
Sem comentários:
Enviar um comentário