domingo, 12 de março de 2017

Kampana Iha Aileu, Lu-Olo: Laiha Loro Monu No Loro Sae

PARTILHAR
AILEU - Kandidatura Prezidente Republika Francisco Guetteres Lu-Olo hateten, atu sai Prezidente Republika ema balu tama iha uma sai uma hodi hateten vota ba Loromonu nia oan, lalika vota ba Lu-Olo tanba Lu-Olo nee Lorosae nia oan.

Maibe Hau husik hela nia ain fatin husi lorosae ba to mai loromonu, Nino Koni Santa husi Lorosae hodi mai mate iha Loromu nia rai nee tanba saida nee tanba Timor Leste, laos dehan fali Loromonu no lorosae,” dehan Kanpres Lu-Olo, liu husi diskursu, bainhira halo kampana iha Munisipiu Aileu, Kinta (09/03/2017).

Kanpres Lu-Olo hateten, Sai Prezidente Republika para atu ba loromonu ba to lorosae, kuandu ema neebe maka kolia hanesan nee sira seidauk hatetene saida maka knar Prezidente Republika nian.

Kanpres Lu-Olo dehan, nia kaer kilat iha forsa durante tinan 24 tama iha ailaran, hamutuk ho komandante Xanana Gusmao no Taur Matan ruak ho sira seluk tan laos defende deit ba Lorosae no loromonu, maibe sira defende povu Timor Leste nee.

Iha fatin hanesan Kordenador partidu CNRT Munisipiu Aileu Rogerio hateten, Nasaun Timor Leste laiha lorosae no loromonu, tanba nee hili Kanpres Francisco Guterres Lu-Olo sai Prezidente ba povu Tomak.

Kampana Kanpres Francisco Guterres Lu-Olo ba dala hitu neebe halao iha kampu food ball, Munisipiu Aileu partisipa husi Prezidente tim suksesu Mari Akatiri, Vise Prezidente partidu CNRT Eduardo Barreto, Prezidente partidu CASDT, Gil Alves, Sekertariu Jeral partidu UNDERTIM, Francisco Manu Fuik, Reprezenta partidu PEP, Veteranu Mahunu no seluk seluk tan. Carme Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: