Viqueque Baze Fretilin, Lu-Olo Sei Manan Maioria

DILI – Baze partidu Fretilin nian neebe maka forte iha Munisipiu Viqueque, tanba nee Kandidatu Prezidente periodu 2017-2022 Francisco Guterres Lu-Olo sei manan maioria iha Munisipiu neeba.

Eis Koordenador Partidu Fretilin Munisipiu Viqueque atual deputadu Felisberto Monteiro Guterres hateten, Iha Munisipiu Viqueque radikal Fretilin numeru un, neebe atu viva no laviva mos povu iha Munisipiu Viqueque viva nafatin ba Kanpres Lu-Olo atu bele manan mutlak iha Munisipiu nee.

Ami nia ema iha Viqueque nee, kuandu fo avizu dala ida deit tun mai hanesan nehek nee, husi Munisipiu seluk maka hau labele hateten, maibe ami iha Viqueque labele laran taridu, tanba Kanpres Lu-Olo sei manan maioria iha Munisipiu neeba,” dehan deputadu Felisberto ba STL, iha PN, Dili, Tersa (28/02/2017).

Nia dehan, Musipiu Viqueque hanesan knua moris fatin kanpres Francisco Guterres Lu-Olo, tanba nee hakarak ka lakoi Kanpres nee tenke manan duni iha Munisipiu nee.

Tanba tuir deputadu Felisberto katak, Kanpres Lu-Olo hanesan ema rezistensia neebe maka dedika nia vida moris tomak iha ai laran durante 24 anus, depois halo lei no hasai Dotour iha universidade.

Iha fatin hanesan Kordenador partidu Fretilin Munisipiu Bobonaro atual deputadu Paulo Moniz Maia hateten, Kanpania Kanpre Francisco Guterres nian abertura iha Munisipiu Ermera dia 3 Marsu, depois dia 4 iha Munisipiu Bobonaro, dia 5 iha Munisipiu Liquisa no kontinua ba Munisipiu sira seluk.

Entretantu orariu kampana ba Kandidatura Prezidente Republika periodu 2017-2017 Francisco Guterres Lu-Olo maka hanesan dia 3 Marsu 2017 kampana iha Munisipiu Ermera, dia 4 Bobonaro, dia 5 Liquisa, dia 6 Covalima, dia 7 Ainaro, dia 8 Manufahi, dia 9 Aileu, dia 10 deskansa, dia 11 Viqueque, dia 12 Baucau, 13 Lautem, dia 14 Manatuto, 15 Oecusse, 16 Atauro, no dia 17 Munisipiu Dili. Carme Ximenes

Suara Timor Lorosae