DILI,
(TATOLI) – Vise Ministru Finansa, Helder Lopes hatete tuir Planu
Estratéjiku Dezenvolvimentu Nasionál (PEDN) ba periodu 2015 to’o 2030 mak
liberta povu husi kiak no mukit hodi asesu ba dezenvolvimentu.
“Vizaun
ita nia planu estratéjiku dezenvolvimentu nasionál ita lakohi ita nia timoroan
sira kiak tan, ita hakarak timoroan asesu edukasaun, asesu saude di’ak”, dehan
governante ne’e iha ninia aprejentasaun ba konferénsia globál G7+ iha Sentru
Konvensaun Dili, segunda (22/5).
Atu
atinje mehi ne’e, governante ne’e hatete tenke iha pás no estabilidade, rekursu
úmanu sufisiente, servisu administrasaun tenke la’o ho efikasia no efisiénsia,
orsamentu estadu sufisiente no seluk tan.
Setór
privadu, sosiadade sivíl nu’udar parseiru importante governu nian atu suporta
ba implementasaun planu estratejiku dezenvolvimentu nasionál hodi reduz kiak
iha rai laran.
“Tenke
iha parseiru ho parseiru dezenvolvimentu liliu doadór, setór privadu no
sosiedade sivíl, tanba programa barak maka la nesesariu governu tenke tau osan
hanesan infraestutura kuandu setór privadu no doadór sira maka hakarak tau
osan”, realsa.
Jornalista:
Agapito dos Santos | Editora: Rita Almeida
Foto:
Ulun boot sira hamutuk ho bainaka hasai foto hamutuk iha konferénsia globál
ne'ebé hala'o iha Sentru Konvensaun Dili, ohin. Foto António Goncalves
Sem comentários:
Enviar um comentário