domingo, 4 de junho de 2017

Hamutuk Xanana Hadia Povu Moris Diak, Militantes 650 Afilia Ba CNRT

PARTILHAR
DILI – Hamutuk ho figura Kay Rala Xanana Gusmao, sei hadia povu nia moris diak liu husi dezenvolvimentu nasional. Tanba nee, militantes 650 husi Partidu Asosiasaun Sosial Demokrata Timor (ASDT), Kmanek Haburas Unidade Nasional Timor Oan (KHUNTO), Partidu Demokratiku (PD) ho FRETILIN halo deklarasaun hodi afilia ba partidu Congreso Nacional Reconstrucao Timorense (CNRT).

Tuir Sekretariu Jeral Partidu CNRT, Francisco Calbuadi Lay katak, vota ba CNRT, vota ba maun boot Xanana hodi manan absoluta iha eleisaun parlamentar hodi ukun mesak halo dezenvolvimentu.

Hau nia admirasaun ba imi hotu ninia hanoinida deit katak, ita hothotu mai iha nee fo apoiu ita nia maun bootXanana,” dehan Calbuadi liu husi diskursu wainhira simu afiliante sira iha sede nasional CNRT, Bairos dos Grilos-Dili, Sesta (03/06/2017).

Calbuadi haktuir, hamutuk ho Xanana hadia povu nia moris, atu halo dezenvolvimentu nasional. Tanba nia hatoo parabens ba sira neebe foin mai nomos ba sira neebe afilia.

Iha fatin hanesan, Kordenador Jeral Organizasaun Muiler Partidu OMP-CNRT, Veneranda Lemos esplika, atividade nee organiza laos organizasaun mulher partidu maibe husi orgaun hotu iha partidu laran.

Nunee mos, Afiliante husi Partidu Demokratiku, Calistro Amaral hatete, hakarak afilia ba partidu CNRT tanba hare ba figura maun boot Xanana neebe mak sempre luta hodi defende direitu povu nian iha aspetu hotu. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: