domingo, 4 de junho de 2017

Kondisaun Armajen Tibar Ladiak, Governu Lapreokupa Aloka Osan Hadia Armajen

DILI – Relasiona ho foos neebe mak rai iha armajen Tibar maibe kondisaun armajen rasik ladiak, halo manu liin estraga foos, tanba nee Parlamentu Nasional (PN) preokupa tanba governu ladun preokupa tau orsamentu hadia armajen.

Kestaun nee hatoo husi Deputadu Fertilin Francisco Branco katak, haree ba foos neebe mak tau hela iha armajen MCIA nian iha Tibar nee tanba governu iha rai nee laiha manutensaun. koalia ba Estrada, projetu bar-barak, baedifisiu publiku, maibe ladun kaer hanesan kultura ba manutensaun hodi aloka bervais ba manutensaun sira, hanesan agora dadaun armajen nee ladun taua tensauna tu halo manutensaun.

Armajen hanesan iha Tibar nee importante tanba, agora dadaun foos nee ita depende ba importasaun husi rai liur, tanba nee tenke  halo manutensaun bei-beik ba armajen sira, hanesan iha Tibar, tanba armajen ne iha kapasidade boot para armajena kuantidade foos neebe mak ita importa,” katak Deputadu Branco ba Jornalista Sesta (02/06/2017) iha Parlamentu Nasional.

Se armajen nee mak lafo importansia, ida nee mak  hasoru, problema hanesan foin dadaun ema hotu akomapna iha media televizaun fo sai katak, kondisaun foos sei diak, maibe tanba armajen ldiak mak halo manu fuik ou manu liin tama ba  estraga foos nee.

Haree ba jestaun MCIA nia hola foos bara-barak hodi mai tau iha kondisaun armajen hanesan nee, haree fali ba iha kestaun politika governu nian preokupa atu halo manutensaun ba edifisiu sira, liu-liu ba armajen, tanba Timor depende ba importasaun barak.

Iha parte seluk, Prezidente Konsello Administrasaun do Sentru Logistiku Nasional, Nivio Magalhaes hatete katak, sira nia observasaun katak foos iha armazen nee sei diak, maibe kondisaun armazen mak la dun diak tanba haree katak, ventilasaun la dun diak, halo  manu liin no la badain tama ba mak haree saku sira  nee foer,” dehan Nivio. Guilhermina Franco / Jacinta Sequeira

Suara Timor Lorosae

Sem comentários: