domingo, 4 de junho de 2017

Joventude Tenke Hatudu Maturidade Politika

DILI – Joventude Timor Leste neebe oras nee involve-an iha partidu politiku tenke hatudu maturidade politikiha rai laran, atu nunee bele hatudu ba mundu internasional katak joventude Timor Leste bele.

Tuir Koordenador Jeral Juventude Partidu CNRT, Jose Virgilio Rodrigues katak, nia apresionante tebes ba politika CNJTL liu husi Forum Komunikasaun Juventude Partidaria (FKJP) iha planu atu sei asina paktu Unidade Nasional.

Besik eleisaun labele kria problema, ida nee hatudu ba mundu katak timor bele ona, juventude iha ona maturidade politika,”dehan Jose ba jornalista sira iha Sede Nasional CNRT, Bairo dos Grilos-Dili, Domingo (04/06/2017).

Jose haktuir, asinatura paktu unidade nasional nee importante tebes sai hanesan edukasaun sivika, ba entre joven partidaria sira atu komprende liu sira nia papel iha partidu laran.

Iha fatin ketak, Sekretariu Jeral CNJTL, Luis Mendes Ribeiro hatete, objetivu husi asina paktu unidade nasional entre juventude partidaria nee sei halao iha loron 10 too loron 18 fulan Junu tinan nee. Raimundo S. Fraga

Suara Timor Lorosae

Sem comentários: