domingo, 4 de junho de 2017

Igreja Husu Presiza Dezenvolve Tetun-Portugues

PARTILHAR
DILI - Parte igreja ninia husu ba Timor hotu atu bele dezenvolve lian ofisial tetun no portugues, liu-liu professor sira atu dezenvolve diak liu tan lian rua nee iha prosesu aprendizajen ninia.

Kestaun nee  fo sai  husi  Me. Tomasia  Maria de  Deus, Fdcc, Canossiana, hatete, lian ofisial  TL  nee rua, mak  tetun no portugues, oinsa mak  Timor oan sira atu bele dezenvolve  lian rua  nee, liu-liu professor sira, tanba haree sei menus professor iha lian portugues, entaun hakarak ka lakohi  tenke haruka maluk sira mai husi Portugal neebe mak kontribui makaas iha nasaun Timor  Leste  (TL).

Tuir hau nia haree, ita nian  lian ofisial TL nee rua, mak tetun no portugues, maibe ita haree lao hela, mais sei menus, liu-liu ba ita Timor oan sira, professor sira ita haree sei menus professor iha lian  portugues, entaun  hakarak ka lakohi ita tenke haruka ita nian maluk sira mai husi Portugal neebe mak kontribui makaas tebes ba ita nian nasaun, neebe agora dadaun iha ami nian formasaun mos material hotu lori konaba direitu nee laiha professores Timor oan, hotu-hotu professor portugues deit, maibe ita haree katak, professor sira iha lian portugues nee menus,” hatete  Me, Tomasia ba STL  iha uma fukun PN, Dili, Sesta (02/06/2017).

Nia hatete, dala barak professor Timor oan sira uza lian portugues, maibe dala barak iha esplikasaun la dezenvolve ho lian portugues, tanba nee, Timor oan hotu-hotu tenke hakaas aan, para atu bele dezenvolve lian ofisial rua nee iha futuru oin mai.

Direitor edukasaun Munisipiu Viqueque, Emidio Amaral, hatete, lian portugues no tetun nee hanesan lian ida neebe mak husi PN aprova tiha ona, tanba nee, lian ida nee tenke uza ba iha prosesu aprendizajen iha eskola, tanba iha Timor nee, lian ofisial mak tetun no portugues. Jacinta Sequeira/Guilhermina Franco

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: