domingo, 4 de junho de 2017

Governu Ejekuta OJE 2017 Fraku

PARTILHAR
DILI – Sosidade sivil konsideira Governu liu husi Ministeiru ida-idak fraku ejekuta Orsamentu Jeral Estadu (OJE), tanba foin atinji 30%.

Tuir Direitor Ejekutivu Asosiasaun HAK Manuel Monteiro katak, Ejekusaun OJE foin atinji 30% nee Governu fraku ejekuta, tanba manadatu Sestu Governu kontitusional nian besik remata ona, no semana oin tama ona ba kampania eleisaun Parlamentar.

Antes nee ami sepektasaun katak, sira husu orsamentu boot ida hanesan nee ejekuta sei lahotu, tanba ita Timor nee toman hakarak rame rame nee, wainhira rame rame nee se maka hakarak malahuk hela iha laran, nee hotu hotu ba hotu ona,” dehan Manuel ba STL, iha nia servisu fatin Farol, Sesta (02/06/2017).

Nia hateten, Mesmu iha lei funsaun publika dehan funsionariu sira se hakarak ba tuir partidu politiku tenke husu lisensa annual seim salari, maibe barak falta ema satan labele. Tanba nee tama ona ba tinan klaran, ejekusaun orsamentu jeral estadu lolos nee ejekuta too ona klaran, maibe ida nee foin atinji 30% nee hatudu katak, sira nia ejekusaun nee fraku.

Iha parte ketak Direitor ONG Fongtil Arseino Pereira hateten, Governu Tenke esforsu aan hodi ejekuta OJE tinan ida nee halo didiak, para responde duni ba povu kiik sira iha baze.

Entretantu membru PN husi bankada CNRT deputadu Jacinto Viegas hateten, OJE neebe maka durante nee PN aprova ba iha Governu, hodi responde ba nesesidade povu kiik sira iha baze. Carme Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: