sexta-feira, 4 de agosto de 2017

Komisaun B Husu Bolseiru Timoroan iha Kabuverde Fila

PARTILHAR

DILI: Vise-Prezidente Komisaun B Parlamentu Nasionál, Jacinto Viegas ‘Rocky’, husu atu bele lori fila bolseiru timoroan sira iha Kabuverde, tanba sira hela iha nasaun ne’ebá mós labele halo estudu tanba sempre hetan ameasa.

Maibé, antes ida ne’e governu tenke buka ona dalan oinsá mak bele rezolve problema ne’e uluk.

“Ha’u la hatene to’o agora ministériu edukasaun rezolve ona problema estudante timoroan sira ne'ebé eskola iha Kabuverde ka lae. Maibé, Komisaun B buka ona dalan atu ko’alia ho ministériu negósiu estranjeiru atu hetan solusaun ruma para ita nia estudante sira kontinua eskola”, tenik nia.

Durante ne’e, komisaun seidauk halo aprosimasaun ho MNEK, tanba bainhira kazu ne’e foti iha plenária, Komisaun B dirije ba ministériu edukasaun. Maibé, to’o agora laiha informasaun kona-ba solusaun.

Entaun kuandu mosu tan ameasa hanesan ne’e komisaun sei buka tempu oinsá para direita ko’alia ho MNEK atu haree lalais problema ne’e.

Independente
PARTILHAR

Author: verified_user

Publicação luso-timorense sem fins lucrativos

0 comentários: