DILI:
Sekretáriu Jerál partidu Frente Revolusionáriu Timor Leste Independénsia
(FRETILIN), Mari Alkatiri sei buka ema independente ida atu asume pasta
Ministru Edukasaun (ME).
“Ha'u
sei ko'alia ho partidu hotu-hotu, iha ema ida ke independente di'ak tebes ba
Edukasaun”, dehan nia, hafoin soru-mutu ho Prezidente Timoroan, Francisco
Guterres ‘Lú-Olo’, iha Palasiu Prezidensiál, Ai-Tarak Laran, horisehik.
Nia
esplika, Ministériu Edukasaun sai hanesan papél importante ida atu produs
rekursu umanu. Ne’e duni, presiza tebes ema di’ak ne’ebé la envolve partidu atu
bele liu serve ministériu ne’e la’o di'ak.
Kona-ba
formasaun governu, Alkatiri dehan, partidu FRETILIN tuir nafatin orientasaun
Prezidente Repúblika nian atu respeitu Konstituisaun. Signifika, partidu mais
votadu maka tenke hahú ona buka partidu sira seluk atu ko'alia.
“Povu
hakarak liuliu entendimentu husi 2012/2013 mai to’o 2017 ne’e atu kontinua
hakuak tan sira seluk… Partidu sira seluk hamutuk atu ukun povu ida ne’e, tanba
agora povu hakarak moris ho hakmatek atu dezenvolvimentu iha rai ne’e la’o ba
oin”, tenik nia.
Tanba
ne’e, Alkatiri sei loke odamatan nafatin atu partidu polítiku se de'it, inklui
relijiozu no sosiedade sivíl atu hamutuk fo hanoin kona-ba formasaun Governu
ne'ebé bele la’o di'ak.
Independente
Sem comentários:
Enviar um comentário