sábado, 5 de agosto de 2017

Asume Kargu PM, Labele Hare Figura

PARTILHAR
DILI — Sidadaun sira neebe involve an iha partidu politiku katak sedeit maka assume pasta Primeiru Ministru (PM), atu labele hare ba kor no ras. Maibe husu atu hare nia kapasidade, mental no simu ema hotu nia ideia atu bele jere governu ho diak.

Lia fuan hirak nee hatoo husi Adjuntu Xefe 12 de Novembru Rogerio Castro da Cruz ba STL iha nia servisu fatin Eis Komarka Balide Dili Sesta, (4/8/2017). Nia dehan tan ema hotu nia hakarak maka ema neebe sai PM tenki iha responsabilidade no matenek sufsiente atu bele halo dejenvolvimentu ba povu Timor Leste nee ba tinan lima mai.

Tuir hau nia hare ema nebe atu kaer pasta Primeiru Ministru laos hare deit ba ema mai husi background akademiku deit, maibe tenki iha esperensia no konesementu klean konaba situasaun ril povu Timor Leste nia oras nee. Lahare ba mos o jerasaun tuan ka jerasaun foun maibe hare mak ema nia kapasidade atu jere programa governu liu husi orsamentu estadu,”nia dehan.

Pasta PM bele hare husi nia edukasaun mai husi akademiku maibe hare ba situasaun ril Timor Leste oras nee, tenki adopta ho povu nia ejejensia no opiniaun. Biar ema akademiku maibe nia lahatene situasaun ril neebe povu Timor Leste hasoru oras nee bele sai problema mos iha governasaun foun.

Parte Akademiku Reitor Instituto Of Businness (IOB) Augusto Conceicao Soares, dehan ema neebe simu pasta PM tenki backgorund akademiku kualidade, atu bele akomula ema tomak nia hanoin hodi ukun governu nee ho responsabilidade. Tamba governu nudar orgaun suberanu ida iha nasaun RDTL. Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: