Sosiedade Sivil Husu Atu Ukun ho Interese Nasional

DILI — Sosiedade sivil husu ba partidu neebe maka hetan ona konfiansa husi povu atu ukun ho responsabilidade no tau as interese nasional, duke interese partidu ka grupu. Tamba nee fiar katak partidu neebe hetan bareira 4% sei iha komunikasaun ba malu.

Lia fuan hirak nee hatoo husi Diretor Ezekutivu HAK Manuel Monteiro Fernandes ba STL iha nia knar fatin Farol Dili Sesta, (4/8/2017). Nia dehan tuir lei konstituisaun RDTL artigu 106 koalia klaru ona katak “Noameasaun husi Prezidente Republika no hili rasik nia PM husi partidu neebe hetan votus maioria”.

Tamba nee ami husu ba Fretilin tenki iha ona komunikasaun ho parpol seluk nebe liu bareira haat. Atu nune ukun ho koletivu ukun ho forte hodi asegura katak governasaun sei lamonu iha dalan klaran. Ita lakualia ba elisaun antisipada. Ami fo konfiansa ba partridu lima nebe leiu bareira eleitoral nian,”nia dehan.

Nia dehan, see partidu vensedor Fretilin laprense kadeira iha parlamentu maka konstituisaun RDTL artigu 112 versiklu D dehan karik partidu vensedor neebe kaer governu nia programa dala rua tutuir malu maka konsidera governu monu tamba lahetan konfiansa husi PN. Povu fiar katak parpol liu bareia nee sei ukun governu no garante povu nia direitu fundamental.

Adjuntu Xefe Diretor Komite 12 de Novembru Rogerio Castro da Cruz katak, partidu politiku neebe hetan votus maioria no hetan ona legalidade husi Trigunal Rekursu (TR) nee hatudu katak legal ona. Agora oinsa maka Fretilin hakarak halo koligasaun ho CNRT nunee mos husi informasaun neebe espalha iha publiku katak Fretilin bolu Xanana mesak atu hamutuk kaer governu. Justinho Manuel

Suara Timor Lorosae