DILI
- Ministru Saude (MS) Rui Maria de Araujo hatete, nia rasik seidauk iha
koinesementu kona-ba ema sira neebe mak halo negosiu ai-moruk herbal liu husi
Online.
Husi
parte MS lahalo kontrolu ba ida nee, tanba durante nee seidauk iha dadus ida
hatudu katak ai-moruk refere fo impaktu ba konsumidor sira.
“Ema
neebe faan ai-moruk online hatene, hau lafaan, ministeriu lahalo kontrolu ba
negosiu ai-moruk online, karik fo impaktu ba konsumidor sira, mais nee
konsumidor neebe hola mak beik,” katak, Ministru Rui ba Jornalista iha Dili,
Sesta (29/9/2017).
Nia
dehan konsumidor sira hatene doutor online laiha, labele konsumi ai-moruk
herbal sira neebe faa iha online.
Tanba
saida mak hakarak hola ai-moruk online, doutor online agora iha ka? Tuir lolos
konsumedor sira kuandu hatene katak doutor online karik laiha lalika hola
ai-moruk online.
Antes
nee Directur Ezekutivu Forum Organizasaun Naun Governamentais Timor-Leste
(FONGTIL) Arsenio Pereira esplika Timor-Leste liuliu parte kompotente sira
hanesan SERVE, PNTL, MS tenke halo kontrola ba negosiu ai-moruk illegal neebe
durante nee lao iha online.
“Ita
presiza duni kontrolu ba negosiu ai-moruk illegal sira, tanba se mak hakarak
faan halo negosiu nee tenke iha sertifikadu ba negosiu nian,” dehan Arsenio.
Nia
dehan halo negosiu mais kuandu sira laiha sertifikadu ba negosiu nian no
laresistu iha SERVE nee konsidera illegal, tanba nee polisia sira bele buka
tuir kaer.
“Ema
sira nee atu halo negosiu iha deit fatin, hahan sira mos persiza sertifukadu,
oinsa tan kona-ba negosiu ai-moruk nee presiza tebes, tanba nee ba ema nia
vida. Tanba nee kuandu negosiu mak ai-moruk lanu ema ka hamate ema nee atu fo
sala ba se. nee duni presiza halo kontratu masimu ba negosiu ai-moruk
illegal iha Timor-Leste,” dehan Arsenio.
Nunee
mos Marta Pires nuudar konsumidor ai-moruk herbal Online informa katak ai-moruk
herbal seidauk hamate ema, tanba ai-moruk nee produs ho tradisional.
“Hau
mos pesan ai-moruk herbal, maibe hau sente ai-moruk herbal nee iha kualidade,
tanba fulan rua ou tolu ita konsume ita nia moras bele pas, tanba nee hau husu
ba ita nia governu foun labele taka,” katak Marta.
Jeniche
da Costa | Suara Timor Lorosae
Sem comentários:
Enviar um comentário