SIK Asegura Tubiraun Tonelada 325.9, Hong Long Lisensa Legal

DILI - Polisia Nasional Timor Leste (PNTL) husiunidade Servisu Investigasaun Kriminal (SIK), asegura ona ikan tubiraun tonelada225, 5 ho ikan babain tonelada 100, 4, inklui material peska, kapitaun ro, tripulante 69 iha sional Dili, hafoin halo inspesaun no  investigasaun  ba Kompana Hong Long.

Tuir Komandante Servisu Investigasaun Kriminal (SIK), Superintendente Polisia, Jorge  Monteiro, husi ro 15 neebe halo operasaun iha tasi Timor, hetan ikan tubiraun hamutuk tonelada 225, 5,  no ikan  babain tonelada 100, 4. Ro 15 oras nee tranka ona  iha Sional oin.

Iha prosesu identifikasaun nee SIK konsege rekolla ikan neebe tula iha Ro 15. Maske ikan barak mak kompana nee importa tonelada lubuk ida ba rai liur,” dehan  Monteiro ba Jornalista iha nia Knar Fatin Kuartel Jeral PNTL Dili, Segunda (2/10/2017).

Komandante SIK nee konsidera fasil atu kontrola,  tanba kapitaun ro 15 inklui tripulante 69 ho redi ho sasan balu iha ro nia laran, dadaun iha hotu Sional Dili. Parte SIK  sempre koloka investigador nain rua kada ro ida hetan apoia husi  UPM.

Komandante nee informa, ro 15 neebe autorizahalo operasaun iha tasi Timor husi Cairabela Baucau, too iha Dili iha  Sabadu, (28/9/2017) madrugada 01:00. Kontratuneebe mak MAP halo ho Kompana Hong Long,parte SIK la halo investigasau ba governu relavante, tanba laiha orentasau husi MP atu halo inspesaun nomos investigasaun ho buska, nunee  relatoriu sei entrega ba MP hodi foti desizaun.

SIK tuir Monteiro halo prosesu investigaaun hahu husi tripulante 69, kapitaun  ro 15 nomos inklui redi tamahotu iha materi investigasaun. Maibe komandante nee rejeita fo komentariu konaba membru governu balu envolve iha kazu operasionalidade kompana Hong Long nian iha Timor Leste.“Prosesu identifikasaun nee durante loron lima nia laran hahu iha Sabadu   (9/9) no kontinua tan iha loron Tersa (19/9/2017)  envolve investigador husi Komandu PNTL Munisipiu Lautem, Baucau no Manatuto,  remata ihaKinta (27/9/2017),” esplika Monteiro.

Tuir Observasaun jornal nee ro 15, husi kompana Hong Long nian nee oras nee atraka iha Sional Dili, hodi hein prosesu investigasaun, tanba konsidera halo peska illegal iha tasi Timor.

Hong Long  Lisensa Legal

Entretantu Ministru Estadu Kordenador Asuntu Ekonomia-Ministru Agrikultura no Peskas (MAP), Estanislau Alexio da Silva dehan Kompana Hong-Long iha lisensa legal, tanba rejistu no hetan lisensa. Tan nee operasaun peskas iha tasi Timor Leste laos ilegal“Se dehan illegal,  nee Jornalista mak hakerek sala, maibe Kompana nee iha lisensa legal,” Estanislau.

Mesmu nunee governu tuir Estanislau sei haree prosesu investigasaun neebe halao husi Polisia Nasional Timor Leste (PNTL) no sei hatoo relatoriu.

Hau sei lori ba konsellu Ministru, hanesan uluk kazu nee akontese ami halo tuir rekomendasaun no  iha persegementu sira halo buat arbiru,” Estanislau hatutan  governu  haruka  ona dukumentus ba Indonesia, Australia, no Novagia Papua, nunee Australia ho Nova-Papua hatan kedas. Indonesia la hatan ikus  mai foin hatoo MAP.

Nia esplika durante Kompana Hong-Long halo operasaun peskas, MAP servisu hamutuk ho Japaun fo asesu ba satelit liu husi dirasaun jeral peskas monitoriza pozisaun roo nee lor-loron iha tasi laran lao oinsa. Maibe lao diak, uluk ema halo peska ilegal halo monitorisa roo naval labele ba tasi mane, maibe agora halo onainvestigasaun hetan duni tubaraun ida-ka rua. Tanba America Indonezia, Australia mos kaer hotu tubiraun.

Estanislau informa roo naval labele halo kontrola ba tasi mane nian sei lori ba governu, tanba governu sei hatoo ba governu oinsa mak atu haree preokupasaun nee, maibe Australia oferese ona roo mai Timor Leste. “Hau sei haruka karta ba Indonesia atu kooperasaun nunee bele kontrola atividadeeskas ilegal, tanba sira iha roo funu, maibe ita nia roo la konsege duni roo peskas ilegal iha tasi mane,”  relata Estanislau. 

Lucia X/Madalena H/Augusto da C | Suara Timor Lorosae