DILI, (TATOLI) – Prezidente
Repúblika, Francisco Guterres Lú Olo, la impede no la veta membru Governu balun,
maibé lista ne’ebé Primeiru-Ministru haruka mai maka tenke ho kuidadu.
“Prezidente-Repúblika hateten ba Primeiru-Ministru atu haruka lista ho kautelojamente (kuidadu) tanba kestaun kredibilidade institusionál no kredibilidade Estadu. La’ós hanesan ema balun interpreta katak Prezidente Repúblika impede membru Governu balun”, Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur, ba jornalista sira iha Palásiu Prezidente Nicolau Lobato, Bairru Pité, tersa ne’e, relasiona ho membru Governu balun ne’ebé antes ne’e Xefe Estadu rejeita fó tomada pose.
Tanba ne’e, veteranu ne’e husu ba
Aliansa Mudansa ba Progresu (AMP) atu haruka hikas lista membru Governu mai
Prezidente Repúblika ho kuidadu.
“Uluk Senhor Taur Matan Ruak no
eis Primeira-Dama, Senhora Isabel Ferreira maka alerta katak ema ne’ebé ‘kanek’
ona ne’e labele tama Governu. Ida ne’e maka ema hotu-hotu hein no hakarak”,
haktuir.
Tuir Lere timoroan sira iha
direitu tomak sai membru Governu, maibé labele repete fali aktu ne’ebé Eis
Ministra Finansas, Emília Pires halo, iha ne’ebé komete tiha krime korupsaun
depois halai tiha ba rai liur.
Jornalista: Xisto Freitas | Editora:
Rita Almeida
Imajen: Xefe Estadu Maiór
FALINTIL-Forsa Defeza Timor-Leste (F-FDTL), Majór Jenerál Lere Anan Timur.
Sem comentários:
Enviar um comentário