quarta-feira, 25 de julho de 2018

Governu Timor-Leste hakarak garanti aumentu ekonomia nian liu 7%

PARTILHAR

Governu Timor-Leste hakarak hetan aumentu médiu ida hosi ekonomia aas liu 7% no mantén taxa dezempregu ki'ik liu 10%, iha tinan lima oinmai, haktuir hosi programa ezekutivu nian ne'ebé sei desidi iha loron-kuarta ne'e iha parlamentu.

"Durante tinan lima oinmai, Governu hakarak hetan média ida hosi aumentu ekonómiku liu 7%, ho aumentu kontribuisaun hosi área privadu iha área produtivu sira", hakerek iha proposta hosi ezekutivu ne'ebé lidera hosi Taur Matan Ruak.

Programa hosi Governu daualuk mós kalkula kriasaun ba kondisaun sira hodi "aumenta investimentu iha área privadu iha mínimu 10% tinan-tinan, hodi kontribui ba diversifikasaun hosi ekonomia, aumenta baze impostu nian, haree nune'e ba objetivu sira hosi sustentabilidade fiskal nian, no kontribui ba dezenvolvimentu inkluzivu no sustentável".

Ezekutivu estabelese hanesan prioridade ida ba promosaun empregu nian, liuliu ba joven sira, defini hanesan objetivu hodi harii, iha mínimu, empregu foun sira hamutuk rihun 60, mantén taxa dezempregu "iha de'it díjitu ida" no hamenus taxa pobreza mínimu ba 10% to'o tinan 2023.

Agora daudaun, populasaun timoroan hamutuk habitante millaun 1,2, ho aumentu anual 2,3%. Liuhosi metade populasaun (51,2%) seidauk iha tinan 20, signifika katak " iha tinan lima to'o tinan sanulu oinmai, joven millaun resin sei tama iha merkadu serbisu nian".

Governu hatete fali kona-ba importánsia hosi área privadu hanesan "motor prinsipal ida hosi ekonomia nasional, hodi garanti kriasaun empregu nian no, nune'e, sai hanesan fatór boot ida hodi kombate hasoru pobreza".

Pobreza diminui ona, hafoin entre tinan 2001 no 2007 rejista ona aumentu ida, to'o metade hosi populasaun. Iha tinan 2014, afeta ona 30% hosi ema timoroan sira, haktuir hosi indikador internasional - dolar norte-amerikanu hamutuk 1,9 loron ida.

"Hodi hetan objetivu sira ne'e, polítika makroekonómiku sei orienta liuliu ba dezenvolvimentu ekonómiku ho aumentu maka'as ida, inkluzivu ho sustentável, iha diversifikasaun ekonomia nian liuhosi dezenvolvimentu hosi área produtivu sira (agrikultura, turizmu, petróleu ho mineral sira no indústria manufatureiru nian), hodi promove investimentu hosi área privadu, hodi hametin sustentabilidade fiskal no dezenvolve indústria finanseiru", refere hosi dokumentu ne'ebé haruka ona ba debate iha loron-kuarta ne'e.

Iha área finanseiru, Ministériu Finansa, hamutuk ho Banku Sentral Timor-Leste, sei hala'o "estudu no análize maka'as sira" kona-ba "vantajen ho desvantajen sira" hosi utilizasaun osan dólar ka uzu hosi osan rasik.

Medida seluk ne'ebé maka planeadu iha programa Governu nian maka kriasaun hosi Banku Dezenvolvimentu Timor-Leste ida nian (BDTL), ne'ebé kaer hosi Estadu ho kontribuisaun hosi kapital timoroan, hodi "fasilita asesu ba finansiamentu iha prazu naruk, ho taxa sira hosi juru sira ne'ebé asesível".

Iha dokumentu, ezekutivu hatete katak "dezenvolvimentu hosi área privadu iha Timor-Leste la la'o, maka'as, tanba limita de'it ba projetu sira hosi Estadu no laiha asesu ba kréditu no finansiamentu ba prazu naruk ho juru sira ne'ebé asesível".

"Banku ne'e sei fó oportunidade ba empreza timoroan sira hodi sustenta no kria empregu barak, harii infraestrutura sira no nune'e kontribui ba diversifikasaun ekonómiku ida. (…) Sei iha foku espesial hodi atende dezeju ba kréditu sira iha área estratéjiku sira Nasaun nian, iha relasaun ho aumentu hosi área privadu no dezenvolvimentu hosi merkadu finanseiru", hatutan hosi proposta ne'e.

Iha parte seluk, Governu sei apoia Banku Nasional Komérsiu Timor-Leste nian (BNCTL)", hodi serbi populasaun, liuhosi prestasaun serbisu bankáriu ho kréditu sira nian, fornese asesu ba serbisu finanseiru sira ba ema timoroan tomak, nune'e mós ba empreza ki'ik no média sira, iha sidade laran no mós iha área rural".

Medida seluk ne'ebé maka kalkula maka kriasaun hosi Investimentu sira Timor-Leste (TLIC) nian, ne'ebé sei funsiona hanesan "kompañia estatal ba investimentu", ho funsaun hodi hala'o "investimentu komersial sira ne'ebé permiti retornu finanseiru boot ida ka permiti efeitu maka'as ba dezenvolvimentu sosioekonómiku", no prioridade maka "investimentu internu iha nasaun".

Ezekutivu kompremete mós hodi "serbisu nafatin, hamutuk ho Parlamentu Nasional ho Banku Sentral Timor-Leste nian, hodi mantén jestaun di'ak ida hosi Fundu Petrolíferu ne'ebé hanesan rekursu finanseiru úniku ba Timor-Leste".

Tuir proposta ne'e, "sei hametin sistema hosi 'check and balance' hodi hametin katak utilizasaun hosi Fundu Petrolíferu hasoru nesesidade sira Estadu nian tenki hetan autorizasaun nafatin hosi Parlamentu Nasional" no fundu "sei kontinua investe ho rigor no prudénsia iha merkadu finanseiru (títulu ho asaun sira) tanba lei orienta katak retornu sei boot liu".

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: