Estudante 644 Mak La Pasa Ezame Nasionál

DILI, (TATOLI) – Estudante ensinu báziku no sekundáriu hamutuk 47,325 ne’ebé tuir ona ezame nasionál ba tinan ne’e, na’in 44,756 mak pasa no 644 mak la pasa. Taxa jerál aprovasaun nian mak porsentu 98,6 no taxa reprovasaun mak 1,4%

Hosi totál, na’in 45,400 tuir ezame (95,93%) alunu sira hotu ne’ebé rejista, 1.925 la tuir ezame (4,07%) ne’ebé akontese ona iha loron 15 to’o 17 novembru fulan kotuk.

Husi 47,325 ne’ebé rejista, na’in 30,291 mak rejista tuir ezame finál klase 9 nian. Husi sira ne’ebé rejista ba ezame iha nivel ida ne’e, alunu 29,005 mak tuir duni ezame no na’in 1.286 mak la tuir. Ne’e katak porsentu 95,8 husi alunu klase sia nian tuir duni ezame no 4,2 mak la tuir.

Taxa aprovasaun ba ezame nasionál klase sia nian mak porsentu  98,7 no taxa reprovasaun mak porsentu 1,3. Ne’ebé, alunu na’in 28,634 mak pasa no na’in 371 mak la pasa.

Ikus liu, kona-ba ezame nasionál iha nivel sekundáriu jerál, alunu na’in 17,034 mak rejista atu tuir, no husi sira ne’e na’in 16,395 mak tuir duni ezame no na’in 643 ikus mai la tuir. Ne’e katak porsentu 96,2 husi alunu sira ne’ebé rejista ba ezame ida ne’e mak tuir duni no porsentu 3,8 mak la partisipa.

Taxa aprovasaun ba ezame nasionál iha nivel sekundáriu jerál mak husi alunu sira ne’ebé tuir ezame, na’in 16,121 mak pasa no na’in 273 la pasa. Ne’ebé, hanesan taxa aprovasaun porsentu 98,3 no taxa reprovasaun porsentu 1,7 ba nivel sekundária jerál.

Ministra Edukasaun, Juventude no Desportu (MEJD), Dulce de Jesus Soares, antes anúnsia rezultadu ne’e perante diretór no superintendente edukasaun husi munísipiu no nasionál inklui funsionáriu MEJD balun no mídia sira katak loron ne’e importante tanba marka loron kulminante ida, durante serbisu tomak iha tinan ne’e.

Susesu MEJD nian mak oinsá estudante sira bele hetan rezultadu di’ak. “Entaun estudante sira liuhusi orientasaun servisu, hamutuk ho profesór sira fó ona apoiu tuir kna’ar ne’ebé mak halo”, dehan Ministra iha salaun MEJD, Vila Verde, ohin.

Iha biban ne’e, MEJD liuhusi vise-ministru João Zacarias Freitas, mós relata sai estudante mellor klasifikadu sira, husi ensinu báziku to’o sekundáriu sira, iha munisípiu 13 hahú primeiru to’o terseiru klasifikadu.

MELLÓR KLASIFIKADU SIRA

Ensinu Báziku

Klasifikasaun primeira (45)

1. EB. CAFÉ – Lautein – LT21484 – RITA BAQUITA SANTOS
2. EB. CAFÉ – Manufahi – MF25652 – CINDI MAURA DA CUNHA

Klasifikasaun segundu (44)

1. EB. Sta. Madalena Canossa – Dili – DL13601 – FADA AMELIA DE JESUS
2. EB. St. Inácio Loiola – Likisa – LQ21935 – CIZELA FELICIDADE
3. EB. Sta. Madalena Canossa – Dili – DL13749 – ORIONE E BONAPARTE
4. EB. Maria auxiliadora – Dili – DL13469 – JULIETA SOARES ARAUJO
5. EB. Sta. Madalena Canossa – Dili – DL13784 – TERESINHA TILMAN
6. EB. St. Inácio Loiola – Likisa – LQ22020 – VALEIRIA JS DA COSTA

Klasifikasaun terseira (43)

1. EB. Centro Lospalos – Lautein – LT20561 – ADERITO FERNANDES
2. EB. Sta. Madalena Canossa – Dili – DL13695 – LUISA A PEREIRA CARLOS
3. EB. St. Inácio Loiola – Likisa – LQ22001 – NADIA PS DA CONCEIÇÃO
4. EB. Dom Bosco Laga – Baukau – BC04995 – JACINTA PRICILA
5. EB. Centro Shallom – Dili – DL14227 – DEBORA MARIA VERDIAL
6. EB. CAFÉ – Manufahi – MF25661 – JAINA SIRIK DA COSTA
7. EB. CAFÉ – Bobonaru – BN08178 – PAULINO SILVEIRO
8. EB. São Cristovão – Baukau – BC05874 – FORTIOLANO FREITAS

Ensinu Sekundáriu Siénsia Teknolojia

Klasifikasaun primeira (53)

1. Essa Senior – Baukau – BC02202 – DANIEL LIP EB.
2. ESG St. Inácio Loiola – Likisa – LQ13223 – SALVADOR JLZ SOARES

Klasifikasaun segunda (52)
EB. Sta. Madalena Canossa – Dili – DL06378 – VALDAMOR C SALDANHA
2. ESG St. Inácio Loiola – Likisa – LQ13213 – MELISSA ALIFA DA COSTA

Klasifikasaun terseira (51)

1. Essa Senior – Baukau – BC02190 – AUXILIADORA C JESUS.
2. ESG St. Inácio Loiola – Likisa – LQ13190 – GEOVANIA GM FREITAS
3. EB. São Fracisco Assis – Manufahi – MF14333 – NELMITACIA C FERREIRA

Ensinu Sekundáriu Siénsia Sosiál no Umanidade

Klasifikasaun Primeiru (48)

1. ESG St. Inácio Loiola – Likisa – LQ13243 – FERNANDITO A SOARES
2. ESG. Seminario Minor – DL09054 – ADEODATO B GONÇALVES
3. ESG. St. António – Manatutu – MT14088 – RIVALDO GOMES
4. ESG. St. António – Oekusi – OC15587 – ANTÓNIA LUCITANIA CRIS
5. ESG. Nú. 02 Vila Nova – Baukau – BC02014 – ALBERTINA DA COSTA
6. ESG. Colegio Verbo Divino – Bobonaru– BN02946 – DELFINA ARAUJO PEREIRA
7. ESG. Sta. Madalena Canossa – Dili – DL06508 – TRICIA N. B. DAVID

Klasifikasaun segunda (47)

1. ESG St. Inácio Loiola – Likisa – LQ13236 – CECILIA F BARRETO
2. ESG. Sta. Maria – Ainaru – AN01033 – JULIA MARIA MAGNO
3. ESG. Kristal – Dili – DL10243 – FERNADA P DE JESUS
4. ESG. 5 de Maio – Dili – DL05360 – ALCINO C DE OLIVEIRA
3. ESG. Kristal – Dili – DL10349 – SAVIO F. R. C. DIAS QUINTAS

Klasifikasaun terseira (46)

1.  Essa Senior – Baukau – BC02290 – ALBERTO XIMENES.
2.  ESG. Seminario Minor – DL09074 – LUZINO JULIÃO SOARES
3.  ESG. Sta. Madalena Canossa – Dili – DL06474 – LIDIA MONIZ
4.  ESG St. Inácio Loiola – Likisa – LQ13235 – ALEXANDRINA M. R. SOARES
5.  ESG. 10 De Desembro – Dili – DL06983 – DIRCIA MARIA MONIZ
6.  ESG. São José Operario – Dili – DL09016 – TIAGO MONIZ FATIMA
7.  ESG. Uatulari – Vikeke – VQ16134 – JACINTA FERNANDES
8.  ESG. Sta. Madalena Canossa – Dili – DL06349 – ADELAIDE MENDONÇA
9.  ESG. Novel da Paz – Dili – DL09860 – ZELIA DA C. BERNARDO
10. ESG. Sta. Madalena Canossa – Dili – DL06428 – DIOGO DOS SANTOS CORREIA
11. ESG. São José Operario – Dili – DL08999 – OSCAR DA SILVA
12. ESG. Filial Venilale – Baukau – BC02883 – MARCIANA E CORREIA
13. ESG. Nú. 01 Baukau – Baukau – BC01666 – BRIGIDA GUTERRES

Hafoin pronúnsia rezultadu, Ministra Dulce de Jesus, dala ida tan, apela ba diretór no superintendente edukasaun husi munísipiu no nasionál katak rezultadu estudante sira nian, inan-aman rasik mak tenke simu no labele reprezenta fali husi ema seluk.

Jornalista: Rafy Belo | Editora: Rita Almeida

Imajen: MEJD Anúnsia rezultadu ezame nasionál 2018. Foto: MEJD