DILI - Liu husi enkontru neebe
maka lider bankada sira halo ona katak, iha konkordasia ona, aban (red Ohin)
halo debate ba Re Apresiasaun, karik iha proposta ruma maka Deputadu sira sei
hamutuk hodi asina. Bankada hotu hotu konkorda tenke hasai 650 milloens neebe
atu sosa asoens nee husi OJE 2019.
"Ohin ami sei tur hamutuk hodi
halo proposta, no proposta balun mai husi Bankada Fretilin katak, tenke hasai
tiha osan 650 milloens neebe tama hotu iha Orsamentu Jeral do Estadu (OJE)
tinan 2019 nian, bazeia ba proposta neebe maka Prezidente da Republika haruka
mai iha PN katak, iha Ministeriu hirak neebe boot maibe orsamentu kiik, tanba
nee bainhira ita hasai tiha 650 milloens nee, maka orsamentu aloka ba iha
Ministeriu hirak nee ninia persentajen sei sae,” dehan Prezidente Bankada CNRT,
Duarte Nunes ba Jornalista Kuarta (30/01/2019) iha Parlamentu Nasional.
Nis mos afirma liu tan katak,
orsamentu ba Ministeriu sira neebe ho montante kiik, se hakarak atu aumenta
maka tenke konfirma ho Governu tanba orsamentu nee governu maka ezekuta, tanba
nee governu dehan bele aumenta maka bele aumenta. Tanba sira maka iha
kapasidade atu ezekuta osan, karik dehan labele aumenta maka Parlamentu sei la
aumenta, maske ida nee Prezidente da Republika maka husu atu aumenta ba area
sira nee.
Notisia kompletu lee iha jornal
STL edisaun Kinta (31/01/2019)
Madalena Horta/Guilhermina Franco
| Suara Timor Lorosae
Sem comentários:
Enviar um comentário