DILI, (TATOLI) - Ministru Defeza
no Ministru Seguransa Interinu, Filomeno da Paixão de Jesus, hateten
deklarasaun líder nasionál hodi insulta malu ne’e la afeta ba estabilidade
nasaun.
Nia esplika, “katuas sira” (líder
nasionál) bele insulta malu maibé sira sei túr hamutuk atu rezolve sira nia
problema.
“Ita tenke fiar sira. Uluk sira
hamutuk lori rai ida ne’e ba independénsia, agora ba oin mós sira sei túr
hamutuk atu rezolve sira nia problema para lori nasaun ida ne’e ba
dezenvolvimentu,” Filomeno ba jornalista sira iha Palásiu Prezidente Nicolau
Lobato, Bairru Pité, tersa (29/1), relasiona ho líder nasionál sira nia
diferensa ideia to’o insulta malu.
Nia apela ba timoroan sira atu
ida-idak túr halo ida-idak nia serbisu no labele mete tún sa’e tanba problema
nee katuas sira nian no katuas sira hatene rezolve sira nia problema.
“Ha’u Ministru Defeza no
Seguransa ha’u halo ha’u nia serbisu. Ita kuandu halo serbisu la sai hosi
ita nia área, ne’e sei la akontese problema,” eis Vise Xefe Estadu Maior
Jenerál ne’e subliña.
Filomeno informa tan, impase
polítika la afeta ba forsa sira nia alimentasaun no kombustível.
Jornalista: Xisto Freitas | Editór:
Manuel Pinto
Sem comentários:
Enviar um comentário