Aniversariu STL, PPN Arao: Hasae Kualidade Kapasita-Hasae Salariu Jornalista

DILI - Jornal Suara Timor Lorosae (STL), dia 2 fevereiru halao aniversariu ba 26, tanba nee Prezidente Parlamentu Nasional Arao Noe hatete, hasae kualidade diak STL fo importansia ba formasaun no salariu jornalista.

Hatete Prezidente Parlamentu Nasional Arao Noe, katak, parabens ba STL neebe lao durante tinan naruk ona, ho esperensia naruk nee hau fiar katak agora bele dezenvolve diak liu tan, nune parte redasaun nian mos komesa hatudud kualidade, neebe lori PN naran no nia pesoal hatoo Parabens.

STL komesa dezenvolve, maibe atu dezenvolve liu tan, hein katak formasaun ba jornalista sira importante no mos labele haluha fo salariu diak ba jornalista sira, atu jornalista sira iha vontade halao knaar ho di-diak, hodi ajuda dezenvolve jornal  STL, i produsaun mos bele kualidade ema barak bele asesu iha publiku,” hatete PPN Arao ba STL Kinta (31/01/2019) iha PN.

Nia hatete, hein katak dezenvolve diak liu tan STL atu nunee bele hetan komfiansa diak liu tan husi publiku, i publiku sira mos bele sosa jornal STL tanba jornal ida kuandu moris depende ba eleitores sira, tanba eleitors sira sosa  nee diak, nee depende ba kualidade produtu, notisia, i depende mos ba asesu kobertura husi jornalista sira  ba entidades importante sira hodi lori notisia barak liu ba iha STL.

Notisia kompletu lee iha jornal STL edisaun Sesta (01/02/2019)

Guilhermina Franco / Madalena Horta | Suara Timor Lorosae