SEFOPE sei halo rekrutamentu traballador timoroan ba rai-li’ur hosi Munisipiu hotu

DÍLI - Governu Timor-Leste liuhosi Secretaria Estadu Formasaun Profisional no Empregu (SEFOPE) iha tinan 2019 sei halo selesaun ba trabllador timoroan sira ne’ebé hakarak atu ba servisu iha rai li’ur hanesan Australia no Korea hosi Munisipiu 12 inklui RAEOA.

Programa halo selesaun ne’ebé habelar ba munisipiu idak-idak ne’e ho objetivu atu fó oportunidade ne’ebé hanesan ba timoroan hotu atu ba servisu iha rai li’ur hodi kontribui ba hamenus numeru kiak no mukit iha nasaun foun Timor-Leste. Xefe Departamentu Empregu Extereior SEFOPE, Belarminu da Cruz hateten estratezia governu ida ne’e halo hakarak sidadaun hotu bele involve ba iha programa kampu traballu.

“Durante tinan barak sempre halo iha Dili laran, entaun ho oportunidade ida ne’e ita nia governu rasik kria ona dalan ida atu oinsá bele halo mós iha munisipiu sira tanba joven barak atu hetan oportunidade hanesan sira seluk maibe susar ba sira atu asesu, ”dehan Xefe Departamentu ne’e ba BT iha nia knaar fatin, Segunda Feira (21/01).

Governu iha hanoin ida hodi halo programa sira ne’ebé mak atu halibur joven sira ne’ebé iha area rural atu bele hetan posiblidade ne’ebé maka hanesan ho joven sira iha area urbana. Nia hateten iha munnisipiu ida dalaruma iha ema nain atus tolu ba leten maibe ikus liu halo selesaun dalaruma liu ladun barak tanba ne’e nia rasik hateten joven sira mós presiza esforsu aan ba iha formasaun sira atu nune bele iha koñesementu ba lingua sira atu nune bele ajuda sira ba iha kampu de traballu sira ne’ebé maka iha.

Entretantu nia mos hateten iha tinan 2017 ba kotuk nia hateten sira iha mos programa pilotu ba iha munisipiu hanesan Baucau no iha Aileu maibe iha susesu duni ba sira nain sanulu resin hodi sira mós halo sira nia servisu iha Australia. Tanba ne’e liu husi programa governu nian ne’ebé iha liu husi SEFOPE sei halo tuir programa saida maka VII governu halo atu Timoroan hotu iha posiblidade ne’ebé hanesan.

Nia hateten sei iha mos selesaun ba iha munisipiu Dili nian tanba iha Dili mos ema barak mak sempre mai asesu iha fatin ne’e tanba ne’e sei iha mós oportunidade ba sira ne’ebé iha Dili nian ne’ebé mak agora dadaun iha hela prosesu nia laran. Iha programa sira ne’e hotu presiza tuir mos prosedimentu sira ne’ebé iha, nia mos informa katak iha tinan 2017 sira halo mos programa pilotu ida ba iha munisipiu Baucau ne’ebé iha duni susesu ba sira nain sanulu resin sia konsege ba duni iha Australia.

Tanba ne’e liu husi VII Goveru nia programa ne’e ba iha SEPFOPE atu iha tinan ida bele halao iha munisipiu sira hotu atu nune ema hotu bele asesu ba iha servusu ne’ebé hanesan. Tuir xefe departametu ne’e hateten durante sira halo selesaun ba iha munisipu hotu programa ne’ebé mai husi govenu katak ema hotu iha posiblidade atu servisu maibe presiza iha esprensia ne’ebé mak diak atu nune prontu sevisu iha saida maka nia presiza. (BT)

Hakerek nain E-3 | Business Timor