Primeiru-ministru timoroan hatete
iha loron-kinta ne'e katak maioria iha parlamentu halo ona "saida maka
posivel" hodi aprova alterasaun Orsamentu Jeral Estadu nian (OJE) hodi
"bele hanesan" ho dokumentu ne'ebé maka Prezidente Republika veta,
reapresia fali iha loron-kinta ne'e.
"Ha'u kontente tebes. Ami
halo ida posivel hodi bele hanesan ho Prezidente. Ha'u sente nia sei
satisfeitu", hatete Taur Matan Ruak iha deklarasaun ba Lusa hafoin sesaun
parlamentu nian iha loron-kinta ne'e, ne'ebé maka aprova tiha alterasaun sira
ba testu dokumental hodi tenta ultrapasa vetu prezidensial ne'e.
"Ami tente ekilibra no halo
tuir señor Prezidente Republika nian hanoin", nia hatete.
Husu konabá se importante hetan
desizaun lalais ida hosi xefe Estadu, primeiru-ministru hatete katak Prezidente
"iha loron 30" hodi analiza diploma ne'e no "ema ida la obriga
nia hodi promulga lalais".
"Ita hein de'it", nia
konsidera.
Parlamentu timoroan aprova iha
loron-kinta ne'e, ho votu a favor 42 no kontra 23, hodi hasai O dolares millaun
650 hosi Orsamentu Jeral Estadu nian (OJE) ba tinan 2019 ne'ebé destinadu ba
sosa partisipasaun maioritaria iha konsorsiu Greater Sunrise nian.
Hasai dolares millaun 650 hosi
kontas publikas implika redusaun ida 1/3 resik hosi valor konta publika sira no
sei implika, automatikamente, aumentu ba persentajem OJE nian ne'ebé destinadu
ba área sira hanesan edukasaun, saude no agrikultura.
Hafoin final global, versaun foun
proposta lei OJE nian - ne'ebé maka agora sei ahruka ba Prezidente Republika -
aprovada ho votus a favor 40 no kontra 25.
Governu no bankada koligasaun
sira konsidera katak hasai dolares millaun 650 hosi OJE ne'e bele halo no la
kompromete operasaun tanba aprovasaun ba alterasaun ba Lei Atividade
Petrolifera (LAP), ne'ebé maka promulga iha fulan ne'e hosi Prezidente, permite
halo pagamentu ba operasuan Greater Sunrise nia diretamente hosi Fundu
Petroliferu (FP), la hosi OJE.
Refere mós katak, maski grupu ida
deputadu sira na'in 23 Fretilini nian no PD nian, aprezente iha loron-kuarta
ne'e ba Tribunal Rekursu pedidu ba fiskalizasaun abstrata ba
konstitusionalidade polemika sira alterasaun ba LAP nian.
Husu konabá operasaun sosa
partisipasaun ConocoPhilips no Shell nian iha Gretaer Sunrise, xefe Governu
ne'e hatete katak tekniku sira prepara hela operasuan sira ne'ebé maka sei
konkretiza "iha tempu ne'ebé previstu nian laran".
"Ha'u labele garante se halo
rua ne'e dala ida de'it ka ida tiha mak ida fali", nian refere, sem fó
detalle.
Husu konabá impaktu ne'ebé maka
situasaun politika halo iha ekonomia nasional, Taur Matan Ruak husu ba setor
privadu no ba sidadaun sira hodi konfia iha nasaun ne'e no sira nian lider
sira.
"Konfia iha nasaun ne'e no
ami. Luta ne'e kontinua hela. Timoroan sira fununain, la husik batalla ne'e.
Ami hakrak kria oportunidade hodi dezenvolve negosiu sira. Governu solidariu
hela ho esforsu no sakrifisiu setro privadu nian. Ami husu korajen hodi
kontinua luta", nia hatete.
Alterasaun proposta lei OJE nian
implika konsidera fali nu'udar dokumentu lejislativu foun ne'ebé maka sei
haruka ba Prezidente Republika, iha kazu ne'e, ezerse ninian direitu vetu nian
ka husu fiskalizasaun konstitusionalidade nian.
Se parlamentu halo de'it
rekonfirmasaun ho votu, sem alterasaun ba testu orsamental, xefe Estadu so bele
promulga de'it dokumentu ne'e iha prazu loron ualu nian laran.
SAPO TL ho Lusa
Sem comentários:
Enviar um comentário