DILI:
Grupu Rezistensia Nasionál Defende Justisa no Konstituisaun RDTL prepara ona
figura atu troka Prezidente Republika Francisco Guterres Lú Olo. Tan ne’e, tuir
planu, iha 28 Agostu oin mai, reprezentante RNDJ-KRDTL sei entrega petisaun
hodi obriga Lu Olo rezigna an husi ninia kargu nu’udar Xefe Estadu.
Portavoz
RNDJ-KRDTL Angela Freitas hatete, daudauk ne’e sira-nia ekipa konsege rekolla
ona asinatura husi ema na’in rihun 61 no iha semana hirak oin mai sei bele
kompleta trajetu asinatura 200.000.
“Ami
sei ba aprezenta (petisaun) iha loron 28 fulan Agostu 2020, iha petisaun ne’e
mós ami sei fó ultimatu ba Prezidente Repúblika atu fó resposta iha semana ida
nia laran,” dehan Angela liu husi konferensia imprensa iha Sede Nasionál
RNDJ-KRDTL, Bairo Formoza, Kuarta (05/08).
Bainhira
iha semana ida nia laran mak PR Lú Olo la fó resposta, Angela deklara,
RNDJ-KRDTL sei organiza povu hodi halo asaun pasifiku hodi ezije PR Lú Olo
rezigna an.
“Ema
hotu-hotu hatene katak poder politika hakerek ona iha artigu 62 (K-RDTL), poder
politika iha povu nia liman, povu mak hili no hatur i povu mak sei hasai,
enkuantu governante sira la konsege servi povu, la tuir regras demokrasia,
konstituisaun ne’ebé konsagra tiha ona, tenke iha responsabilidade,” nia
hatete.
Tan
ne’e, nia husu ba povu TL tomak atu labele matan dukur, no bainhira RNDJ-KRDTL
povu tomak mós presiza kontribui masimu.
“Petisaun
ne’ebé RNDJ-KRDTL hato’o husu Prezidente Repúblika tenke rezigna an, tanba
viola tiha ona konstituisaun. Ami sei hato’o ba PR atu rezigna an hodi entrega
poder ba ema ne’ebé povu tuu ba ne’e atu determina, see mak atu ka’er ukun no
see mak bele reintifika prosesu atu forma governu unidade nasional,” deklara
Angela.
Anjela
dehan baihira petisaun ne’e mosu no PR Lú Olo hakarak rezigna an, RNDJ-KRDTL
nia ema preparadu atu troka.
Figura
ne’ebé RNDJ-KRDTL prepara, nia dehan, nu’udar ema ne’ebé iha konfiansa husi
povu atu bele rezolve ka solusiona situasaun iha rai laran.
Mariano
Mendonça | Independente
Sem comentários:
Enviar um comentário