Kompañia husi Portugal Peskija Bee Matan Borai Lala

Timor Post (06/08/2020) -- Kompañia ida husi Portugal, iha loron Kinta (06/08/2020) halo peskija ba bee matan Borai Lala ne’eé lokaliza iha Aldeia Rialau, Suku Letefoho, Postu Administrativu Same, Munisípiu Manufahi.

Kompañia ho naran Agua de Portugal ne’e hala’o servisu hamutuk ho Servisu Agua no Saneamentu (SAS) Manufahi.

Objetivu husi peskija ne’e atu harii tanki bee hodi halibur bee moos hodi fornese ba komunidade sira iha Postu Administrativu Same.

“Ami konvida autoridade lokal sira, administrasaun munisipíu ho SAS munisipíu tau hanoin hodi realiza prosesu kultura ninian atu hodi halo perfurasaun pontu lima ne’ebé identifiakdu ona,” Diretór SAS Manufahi, Domingos Soares ba Jornalista sira hafoin hala’o atividade ne’e.

Diretór Domingos hatutan, levantamentu ne’ebé sira halo hamutuk ho kompañia identifika ona pontu lima husi pontu lima ne’e atu halo uluk perfurasaun ida iha suku Letefoho hodi hare volume be’e karik volume la sifusiente entau sei la uza entau sei muda fali ba fatin seluk”nia dehan.

Nune’e nia dehan, bainhira perfurasaun dahuluk iha suku Letrefoho, aldeia Ailuli hetan rezultadu be’e volume bo’ot entau parte aldeia Raiubu sei la foti ba perfurasaun maibe hare ba volume be’e bele kobre hotu ba Same laran entau ona maibé karik laiha sei kontinua fali ba suku Babulu hodi hare fali pontu rua ne’ebé identifika iha ne’eba.

“Rai ne’ebé’ identifikadu iha komunidade nia rai parte ida sei tun fali mai halo sosializasaun nune’e governu hodi fó indeminizasaun ba aihahoris ne’ebé hetan estragus iha area identifikadu ba be’e”.

Antes ne’e iha Tersa loron 21 fulan-Julu diretór SAS munisipíu ne’e konfirma katak bazeia ba planu ne’ebé iha sei tau tanki bo’ot lima 5 ne’ebé kompostu husi rezervatoriu rua estabelese iha suku Holarua, tanki ida iha aldeia Tomanamo, suku Letefoho, ida iha Kakau laran, ida sei estabelese iha estrada sentral tama ba eskola sekundariu jeral 1912 Maunfahe.

“Planu ida ne’e ita estabelese de’it ba postu asdministrativu Same maibé bazeia ba planu governu atu halo fazeadamente neduni sei halo melloramentu iha postu administrativu Fatuberlio tanba sistema bo’ot estabelese ona iha area ne’eba.

Tuir observasaun Timor post nota katak, antes kompañia Agua de Portugal ho SAS Manufah survey be’e matan ne’ebé idnetifikadu no kria uluk enkontru ho autoridade munisipíu ho autroridade postu Same hodi hare kona-ba prosesu atu halo melloramentu ba sistema be’e mo’os iha postu Same. (lcl)

Timor Post