quinta-feira, 13 de maio de 2021

Programa EUA Sei Apoia Balu Ba Juventude TL

DILI, STLNEWS.co - Estadus Unidus Amerika (EUA), sei iha programa balu atu apoiu juventude sira Iha Timor Leste.

Lia hirak nee hatoo husi Embaixador EUA iha Timor Leste, Kevin Blackstone ba jornalista sira hafoin halao vizita kortezia ba Sekretariu Estadu Juventude no Desportu (SEJD), Kuarta (12/05/2021).

Embaixador Kevin dehan, hasoru SEJD tanba Embaixada Estadus Unidus Amerika halo hela programa barak kona ba juventude no desportu.

“Ami nia programa barak los, hau temi balu hanesan desportu ba paz nian no programa neebe popular tebes Wesley bolsa estudu ba Timor sira no seluk tan,” tenik nia.

Nia dehan, fulan oin sei iha progama popular ida neebe Wesley mak halo, lolos nee Timor Leste mak sei organiza, eventu ida nee hafoin Timor Leste nia adezaun ba Wesley iha tinan hirak liu ba. Workshop nee sei foka liu ba konservasaun marinha, neebe sei disponibiliza matenek nain sira husi Estadus Unidus no ASEAN, fahe sira nia matenek no esperensia kona ba asuntu marinha no ambiental ba partisipante sira.

Iha fatin hanesan, SEJD Abrão Saldanha dehan, reuniaun nee tanba Embaixador EUA foun hasoru malu atu retira interese kooperasaun neebe mak tinan barak halo entre Estadus Unidus ho estadu Timor Leste iha área juventude nian.

Reportajen: Maria Tavares | Editora: Josefa Parada

Embaixador EUA iha Timor Leste, Kevin Blackstone ho SEJD, Abrão Saldanha. (Foto: Espesial)

Sem comentários: