DILI
- Arguidu Salvador Amaral ho lezadu Martinu Amaral nudar maun alin rasik, maibe
tanba deit hadau malu rai sira nain rua tenke lori malu to iha tribunal.
Tuir
akuzasaun husi ministeriu publiku katak iha loron 24 de Fevereiro 2009,
Tribunal Distrital Dili hasai sentensa ba arguidu Salvador do Amaral la kumpri
hodi hamamuk rai neebe nia hadau husi lezadu Martinu Viera de Amaral. No iha
loron 6 Outobru 2009 Polisia Nasional Timor Leste kumpri ordem, hodi hasai
arguidu ho nia sasan mai tiha iha liur no kesi tiha fita kinur. Maibe arguidu
la kumpri ordem hodi kuntinua okupa rai lezadu nian, no ameasa lezadu labele
iha nia rai.
Hatan
ba akuzasaun nee arguidu deklara katak akuzasaun nee los hotu. Nia la kumpri
orden hodi kuntinua okupa fali tanba nia mak hela iha rai neebe partensia iha
Kampung Alor nian nee durante tinan hat nulu resin ida nia laran. Neebe iha
tempu neeba rai nee sei ailaran hela, nia mak ho nia oan sira hela ba. No rai
nee iha tempu neeba nia fo ona animal lubuk ida hanesan karau fo ba lezadu
hanesan troka ho rai neebe nia hela. Maibe ikus mai lezadu haruka nia atu sai,
nein atu fo ganti rugi mak halo nia la sai husi fatin nee.
Hau
la kumpri desizaun tribunal nian, tanba hau hein lezadu atu ganti rugi fila
fali hau nia animal sira neebe uluk rai sei diak fo ba nia. Neemak halo hau la
sai husi fatin nee, sekuandu nia ganti rugi fo fali animal neebe mak hau fo ba
nia. Entaun nee hau bele sai hodi buka fali fatin seluk,” tenik nia ba
tribunal, Sesta (22/05/2015).
Iha
biban nee lezadu Martinu Viera Amaral hatete,momentu nee PNTL ba tau tiha pita
kinur. Liu tiha semana rua nia ba hasai tiha no dehan lei nee la vale hodi hela
fali iha fatin nee. Liafuan nee nia hasai ba lezadu nia oan mane naran Octavio.
Maibe lezadu la hare ho matan semak koa pita kinur neebe mak polisia tau iha
fatin nee. Informasaun kompletu iha STL Jornal no STL Web, edisaun Sabado
(23/5/2015). Domingas Gomes
Suara Timor Lorosae
Sem comentários:
Enviar um comentário