KRF Introdus Servisu Ba Midia

Dili, Radio Liberdade Online - Komisaun Reforma Fiskal (KRF), Ministeriu Finansas, hasoru malu ho midia iha loron 25/1/2015 hodi introdus servisu Komisaun.

koordenador Reforma Fiscal, Fernanda Borges, hateten “ne’e hanesan eventu ida ami hakarak halo hamutuk ho ita bo’ot sira regularmente.”

Borges esplika kona ba saida mak reforma fiscal katak, ”KRF estabelese husi Sesto Governu Konstitusional No.26/2015, no hetan mandate atu halo avaliasaun no hadia reseitas ne’ebe aplika agora no buka reseitas foun, KRF komisaun teknku ida estabelese hodi servi Governu hotu, KRF mos hanesan inisiativa Nasional atu haforsa Timor - Leste iha future.”

Alein ne’e Borges mos isplika kona ba Saida mak reforma fiscal, Tamba saida mak Governu persija hadia koleta reseitas, saida mak prosesu reforma no atu reforma saida, katak, “ reforma sira ne’e sei halo impostu administrasaun sai fasil no efisienti liu no sei halo defisil ba ema sira ne’ebe hakarak evita selu impostu, tipu impostu ne’ebe Timor- Leste adopta dadauk ne’e persija reforma atu enkoraja investimentu barak mai iha Timor.”

Rádio Liberdade