Dili,
Radio Liberdade Online - Konsellu Ministrus hala’o sorumutu iha segunda-feira,
loron 25 fulan-janeiru tinan 2016, iha sala sorumutuk Konsellu Ministrus, iha
Palásiu Governu, Dili no analiza akordu sira ne’ebé mak sei asina entre Timor-Leste
no Repúblika Indonézia, durante vizita ofisiál Prezidente Joko-Widodo iha país
ne’e, iha loron 26 fulan-janeiru tinan 2016. Akordu ne’e abranje área sira
hanesan meteorolojia, klimatolojia no jeofízika, peska, arkivu, juventude no
desportu no rekursu minerál sira.
Ho
akordu hirak ne’e, nasaun rua ne’e hakarak hametin kooperasaun bilaterál forte
ne’ebé iha tiha ona, liuhosi troka esperiénsia sira, koñesimentu no
informasaun, nune’emós hametin lasu amizade entre país rua ne’e.
Konsellu
Ministrus mós análiza tiha ona, ajenda vizita Prezidente Indonézia nian, hodi
finaliza buat balun kona-ba organizasaun no lojístika nian.
Porta-voz
Sextu Governo Constitucional, Ministro de Estado Ágio Pereira afirma iha loron
26/1/2016 via komunikadu imprensa, "Vijita ofisial ne’e sei foka forte ba
relasaun amijade entre Indonesia no Timor Leste, atu hasae mos kooperasaun
entre rai rua ne’ebe hari kleur ona, no sei dejenvolve mos servisu hamutuk
ne’ebe diak liu ba nasaun rua."
Rádio
Liberdade
Sem comentários:
Enviar um comentário