Instituisaun
tolu harii ona Institutu Formasaun CPLP nian (IF-CPLP) ne'ebé sei hahú
funsionamentu iha fulan-Abrik oinmai no hakarak promove ensinu no kualifiakasaun
hosi sidadaun sira hosi nasaun luzófonu sira, hatete hosi fonte ofisiál ba
ajénsia Lusa.
Tuir
sekretáriu-jerál hosi Konfederasaun Emprezariál hosi Komunidade Nasaun sira
Lian Portugés nian (CE-CPLP), José Medina Lobato, iha mós objetivu hodi apoia
projetu sira ba kapasitasaun no dezenvolvimentu sustentadu hosi empreza sira no
ekonomia hosi nasaun sia.
IF-CPLP
harii ona hosi CE-CPLP rasik, hosi Uniaun Esportadór sira Lian Portugés (UELP)
no hosi Asosiasaun Emprezariál Fafe nian, Cabeceiras de Basto ho Celorico de
Basto.
Área
predominante sira ne'ebé IF-CPLP sei atua liuhosi Jestaun no Estratéjia
Emprezariál, Turizmu, Hotelaria ho Restaurasaun, Agrikultura, Konstrusaun Sivil
ho Obras Públika no Saúde ho Moris Di'ak.
"Kualifika
hodi kompete" hanesan lema hosi instituisaun, refere hosi Medina Lobato,
hodi adianta katak asaun sira formasaun nian sei hala'o iha sede CE-CPLP, iha
Lisboa, hamutuk ho asosiasaun emprezariál sira no empreza asosiadu sira.
"Rekoñesidu
hosi ema hotu katak, ba dezenvolvimentu sustentável ida hosi ekonomia sira,
presiza aposta iha ensinu, iha formasaun no iha kualifikasaun profisionál.
Formasaun hanesan fatór diferensiadór ida no fundamentál ba kresimentu no
progresu sustentadu, influensia diretu ba produtividade hosi empreza sira no
hosi ekonomia", refere hosi sekretáriu-jerál CE-CPLP nian.
Lidera
hosi emprezáriu mosambikanu Salimo Abdula, CE-CPLP hanesan organizasaun ida
ne'ebé haree ba dezenvolvimentu hosi koperasaun entre estrutura asosiativu sira
hosi nasaun-membru sira CPLP nian - Angola, Brazil, Cabo Verde, Guiné-Bissau,
Guiné Ekuatoriál, Mosambike, Portugal, São Tomé & Prínsipe ho Timor-Leste.
Insituisaun,
harii iha loron 04 Juñu 2004, iha Lisboa, hakarak harii mós kondisaun sira ba
dezenvolvimentu hosi negósiu sira iha kuadru iha fatin ekonómiku ne'ebé halo
parte iha mundu luzófonu.
Agora
daudaun, Konfederasaun Emprezariál hosi CPLP iha ona asosiadu hamutuk 117 -
fundadór efetivu 13, efetivu 23, aderente 78, honoráriu rua no beneméritu ida.
SAPO
TL ho Lusa
Sem comentários:
Enviar um comentário