Indonézia investe euro millaun 160 iha setór idrokarbonetu iha Mosambike

Indonézia investe dólar millaun 175 (euro millaun 160) iha setór idrokarbonetu iha Mosambike, informa ohin embaixadór-sesante indonéziu iha Maputu, Harbangan Napitupulu. 

"Investimentu Indonézia nian iha Mosambike rejista kresimentu palpável", hatete Harbangan Napitupulu ne’ebé ko’alia iha rohan hosi enkontru despedida nian ho Prezidente mosambikanu, Filipe Nyusi mak sita hosi Ajénsia Informasaun Mosambike nian (AIM).

Destaka importánsia atu hadi’a "relasaun di’ak" entre povu rai rua, Harbangan Napitupuluhatete katak investimentu hosi nia nasaun iha Mosambike karik bele kontribui ba dezenvolvimentu ekonómiku no sosiál.

"Ami hein katak [investimentu ne’e] sai boot liu tan hodi favorese nasaun rua ne’e", nia afirma no elojia títulu hanesan,  importánsia hosi loke empreza indonéziu sira hanesan Besmindo Pemba Semesta, iha baze lojístika Pemba, iha norte nasaun nian, no Buzi Hydrocarbons Pte Ltd, iha Sofala, sentru Mosambike nian, iha ne’ebé sira investe ona besik dólar millaun 175 no hein atu ezekuta projetu foun ida, iha valór ekivalente ho euro millaun 5.

"Investimentu hirak ne’e hanesan rezultadu hosi relasaun diplomátika ne’ebé di’ak entre Estadu rua ne’e, subliña diplomata ne’e, ne’ebé sei husik embaixada indonézia iha Maputu iha loron 31 janeiru.

SAPO TL ho Lusa