Ministru sira rekomenda pilár ekonómiku no emprezariál foun ba CPLP - deklarasaun ikus

Ministru sira hosi komérsiu luzófonu sira, ne'ebé iha loron-kuarta ne'e halibur iha Díli, rekomenda ona hodi hili pilar ekonómiku no emprezariál foun ida ba CPLP, hanesan elementu sentrál hodi hametin dezenvolvimentu hosi Estadu membru sira.

Ne'e hanesan aspetu ida hosi deklarasaun ikus hosi enkontru ne'ebé aponta rekomendasaun sira iha área oioin hosi atuasuan, inklui promosaun investimentu, kapasitasaun institusionál no emprezariál, finansiamentu no reforsu ba kompetitividade.

Constâncio Pinto, ministru timoroan ba Komérsiu, Indústria no Ambiente no hanesan mós anfintriaun ba enkontru hato'o ksolok tanba ministru sira konkorda rekomendasaun hodi hili pilr ekonómiku no emprezariál foun.

"Halo CPLP hakbesik liután ba resposta sira hosi dezafiu sira ekonomia global nian", nia hatutan.

Murade Murargy, sekretáriu Ezekutivu CPLP nian hatete katak enkontru iha Díli marka hakat importante ida ba organizasaun, aponta "ba vizaun foun ida komérsiu no investimentu nian iha mundu luzófonu".

Ministru sira konkorda atu estuda dalan foun sira ba promosaun hosi komérsiu livre no investimentu entre Estadu-membru sira CPLP nian no mekanizmu alerta lalais ba promosaun hosi tulun ba malu hodi hasoru situasaun sira krizi iha merkadu sira.

Iha pontu prinsipál promosaun ba komérsiu nian ministru sira konkorda hodi avansa ba fasilitasaun no halakon vistu sira entre Estadu-membru sira, liuliu relasionadu ho klase emprezariál.

Sira defende mós serbisu hamutuk hosi komunidade rejionál sira ne'ebé Estadu membru sira halo parte hodi "buka asesu preferensiál sira seluk, hanesan buka hodi buka finansiamentu ba akreditasaun no sertifikasaun hosi laboratóriu sira iha nível internasional".

Rekomendasaun seluk maka dezenvolve parseria sira hodi kompleta hodi bele "aumenta kapasidade produtivu sira no reforsu hosi oferta ba merkadu sira, hodi bele harii grupu sira iha área estratéjiku sira.

Iha nível promosaun ba investimentu nian ministru sira konkorda hodi promove enkontru ida serbisu nian entre ajénsia hanesan sira ba promosaun komérsiu no investimentu hosi Estadu-membru sira, hodi harii fórum ida ne'ebé halibur entidade sira ne'e.

Pontu sira seluk ne'ebé hanoin maka kapasitasaun institusional no emprezarial, ho ministru sira defende asaun sira divulgasaun ba programa sira formasaun ba PME sira no ba setór públiku "hodi iha aproveitamentu maka'as hosi posibilidade sira interligasaun no interkámbiu sira nian".

Kona-bá finansiamentu sira rekomenda estudu sira kona-bá posibilidade hodi harii no dezenvolve sistema sira garantia nian ba kobertura risku ba esportasaun iha CPLP nia laran, hodi promove asesu ba finansiamentu hosi parte PME sira nian.

Harii mekanizmu sira mediasaun no arbitrajen nian, inklui eventuál sentru ida mediasaun nian no arbitrajen CPLP nian, sai mós hanesan rekomendasaun sira ba testu ikus ne'ebé aposta mós iha troka esperiénsia sira, informasan no hahalok di'ak sira iha ámbitu regulasaun hosi konkorénsia nian.

Testu ikus saúda projetu timoroan hodi kombina enkontru hosi ministru sira ho Fórum Ekonómiku Globál dahuluk CPLP nian, ne'ebé hahú iha loron-kinta, rekomenda nia realizasaun periódiku hanesan "inisiativu impulsionadór hosi koperasaun ekonómiku no emprezariál".

Testu hosi deklarasaun ikus la asina hosi Brazil, ne'ebé simu prezidénsia rotativu CPLP nian iha fulan-Jullu tanba, hanesan akontese iha reuniaun sektór sira nian laiha reprezentante governu nian hosi nasaun ne'e.

José Dorneles, embaixador Brazil nian iha Díli, reprezenta ona nia nasaun iha reuniaun ne'e, hanesan halo ona iha reuniaun sektór sira seluk, informa ona ministru luzófonu sira katak nia laiha autorizasaun hodi asina testu.

Murade Murargy bainhira Lusa husu kona-bá aspetu ne'e nia hatudu konfiante katak Brazil sei asina testu no prezidénsia brazileiru "sei kontinua serbisu sira ne'ebé prezidénsia timoroan halo" inklui iha ámbitu ba pilár ekonómiku nian.

Testu ne'e asina hosi governante sira hosi Angola, Cabo Verde, Mosambike, Portugal, São Tomé & Prínsipe ho Timor-Leste, Guiné Ekuatoriál hanesan auzente.

SAPO TL ho Lusa