DILI
- Estudantes hamutuk 80 neebe mak moris illegal iha Indonesia, hodi kontinua
sira nia estudu iha Universidade Trybuana Malang-Indonesia, oras nee fila hikas
mai Timor Leste (TL), tanba la trata sira nia dokumentus.
Tuir
Vise Ministru Edukasaun (ME), Abel Ximenes katak, foin lalais nee nia
rasik ba vizita Indonesia hodi konfirma lolos dadus estudantes neebe mak moris
illegal iha Indoensia. Dadus neebe ME hetan iha Universidade Trybuana
Malang-Indonesia, estudante hamutuk 80 mak moris ilegal, no imigrasaun Indonesia
haruka fila mai iha TL.
Hau
ba too iha Indonesia haruka ekipa balun ba iha Malang, Surabaya, Bali, Jogja
dadus neebe mak halibur nee iha faktus duni husi Universidade Ida iha Malang
naran Trybuana nee Timor oan ualu nolu moris ilegalmente iha Indonesia,
Imigrasaun Indonesia obriga sira tenki fila mai Timor, selae Indonesia
taka tiha sira nia Universidade Tribuana, tanba eskola Tribuana nee hetan
akreditasaun C laos akreditasaun A ou B, maibe Timor oan barak eskola iha nee
ba, neebe eskola nee ita bele dehan ninia regras seidauk diak ou eskola
kualifikada Ida, nee duni estudantes ualu nolu tenki fila, maibe iha
universidade sira seluk mos sei iha,” dehan Abel ba jornalista hafoin
halao seremonia asina MoU ho SEPFOPE, iha Caicoli, Segunda (22/02/2016).
Vise
ME Abel, apela ba inan aman sira neebe mak oan eskola iha Indonesia, diak liu
trata dokumentus para labele fo impaktu ba sira nia estudu, tanba bainhira
dokumentus mate, polisia imigrasaun sei deporta estudante sira nee.
Iha
fatin seluk, Deputadu husi bankada CNRT, Agostinho Lay hateten, nee kompetensia
Ministeriu Edukasaun atu bele halo kontrolu maximu ba estudante sira neebe mak
kontinua sira nia estudu iha rai liur, liu-liu iha Indonesia. Informsaun
kompletu iha STL jornal no STL Web, edisaun Tersa (23/2/2016). Jacinta
Sequeira/Lucia Ximenes
Suara Timor Lorosae
Sem comentários:
Enviar um comentário