Problema FM, TL Halo Demostrasaun, Riak Leman: Australia Han Isin Fo Ruin ba TL

DILI - Timor Leste (TL) halo asaun demostrsaun hasoru Australia, tamba Fronteira Maritim (FM) nunee mos ho riku soin neebe iha tasi. Rajaun demostrasaun nee tamba too agora Australia sei ulun toos atu halo negosiasaun ho TL konaba fronteria Maritima.

Ba problema nee Veteranu Riak Leman, liu husi asaun demostrasaun, iha Jardim Mandarin, Tersa (21/02/2016), hateten asaun demostrsaun nee partisipa husi Veteranus, estudante Universidade iha Dili laran, Sosiadade sivil, Komite 12 Novembru, militantes partidu politikus inklui povu tomak iha sidade laran.

Ita hotu mai iha nee tamba problema ida, problema nee hanesan ita nia vizinu Australia han naan isin soe ruin ba ita hanesan asu atu han, ita funu durante 24 anus ita hetan ukun aan, maibe ita nia soberania nee seidauk los tamba nasaun Australia hakarak hadau ita nia fronteira maritima,” dehan Riak Leman.

Nia hatutan uluk iha funu povu Australia no Veteranus iha TL nia sorin, maibe Governu Australia maka kontra TL, tamba nee nia koalia barak no husu ba joventude, Sosiadade Sivil, estudante no sosiadade sivil, halao asaun nee ho disiplina no matenek laos uza forsa.

Iha fatin hanesan Veteranus Marito Reis hateten TL hetan indepedensia iha nia kriteriu neebe hateten TL iha fronteira maritima, fronteira treste no fronteira Aero, wainhira TL seidauk hetan hotu fronteira tolu nee, signifika katak seidauk hetan indepedensia total.

Nune mos Veteranus David Dias Ximenes Alias Mandati hateten Timor oan halo demostrasaun iha Embaixada Australia oin, hodi hatoo ba governu Australia atu difini lina maritima entre TL ho Australia. Informasaun kompletu iha STL jornal no STL web, edisaun Kuarta (24/2/2016). Joao Anibal

Suara Timor Lorosae