BESIK LORON BOOT, MCIA HUSU DISTRIBUTOR LABELE MANIPULA SASAN FOLIN

Ministeriu Comersiu Industria e Ambiente (MCIA) husu distribuitor iha Timor Leste atu labele halo manipulasaun ba presu sasan iha selebrasuan festa natal no tinan foun.

Vise Ministru MCIA, Filipus Nino Pereira hatete, publiku liu liu ba iha distribuitor sira atu mantein nafatin presu ne’ebe normal no  la bele hasae presu sasan baziku tuir ida-idak nia gostu.

“Tuir ami nia monitorizasaun iha terenu iha loron hirak ne’e nia laran hatudu katak presu sasan baziku sei kontinua normal,no ami husu ba distribuitor sira labele hasae presu sasan, sasan folin tenki normal, hau fo ezemplu fos kilograma 25 ho presu US$ 11.50 centavus, no kilograma30 nian ho presu US$ 14,50 centavus ne’ebe presu ba sei hatudu normal,” informa Nino Pereira ba jornalista iha MCIA, Kinta (15/12/2016).

Konaba ba stok hanesan masimidar, fos  ne’e ninia stok tomak, maski uluk masimidar stok mamuk maibe iha selebrasaun natal no tinan foun ne’e garantia sufisiente, ne’ebe masimidar uluk nia presu kuaze karon ida nia folin U$60 maibe agora tun ba US$ 47 ne’ebe kilograma 50 nian.

Nino Pereira konsidera konba kontrolu folin sasan MCIA halo regularmente, iha semana ida liu ba ne’e foin maka halo inspesaun tun ba iha lojas ho supermerkadu sira  inklui mos merkadu sentral Taibesi hodi hare sasan nesesidade baziku ne’ebe nia stok ,nia presu no ninia kualidade,ne’ebe observasaun iha terenu hatudu katak, nesesidade baziku  hanesan fos, masimidar, mantolun,terigu  no hirak seluk tan nia presu normal.

“Ba sasan ne’ebé maka liu prezau konserteja ami tenki foti  sasan sira ne’e depois fo sansaun, sansaun ida maka koima, ne’e ami sei aplika ba sira, koima ne’ebe maka ami fo ba sira ne’e tuir dekretu lei 23/2009 ne’e konaba infrasaun multa ne’e bele to entre US$ 1000 to’o US$ 20.000 depois  iha tan sansaun asesoria,sansaun asesoria ne’e ami sei foti sira nia lisensa ka taka sira aktividade,” hateten Nino.

Nino imforma, ho kazu sira ne’e MCIA mos notifika ona supermadu lubuk ida ona, iha balun maka selu multa no iha balun ninia prosesu mediasaun ne’e governo fó sansaun administrative ba sira. nia

Jornal Nacional