Governu
Timor–Leste seidauk konsege halo estatua ba heroi-feto sira ne’ebe luta ba iha
indepedensia rai doben ida ne’e nian.
Sekretaria
Estado Promosaun Sosio Ekonomika Feto (SEM), Veneranda Lemos hateten governu
iha duni ona hanoin atu halo estatua ida hodi reprezenta heroi-feto sira maibe
la’os agora tanba persiza orsamentu.
“Ita
hanoin ona atu valoriza ita nia heroina sira, tenke halo monumetu ida ba
heroina sira mas la’os agora,” nia hateten hafoin partisipa iha selebrasaun
loron nasional feto ba dala 40 iha Parlamentu Nasional.
Nia
hateten, SEM sei lori hanoin ida ne’e ba iha enkontru Konselho Ministru nian
hodi haree no konsidera, tanba importante mos iha estatua ba feto.
Nia
dehan, governu sei tau orsamentu iha tinan 2018 hodi halo konstrusaun.
Tuir
planu, governu sei harii estatua heroi-feto Maria Tapo hodi reprezenta
heroi-feto sira hotu ne’ebe luta no mate ba iha indepedensia.
Soudoza
Maria Tapo, tiru mate husi tropa Indonezia iha suku Tapo, munisipio Bobonaro
bainhira hetan ataka husi tropa iha dia 3 Novembru 1975.
Entretantu
Prezidente Grupo Feto Parlamentar (GMPTL), Florentina Smith konsidera governu
seidauk valorize heroi-feto sira.
“Dala
ruma ita koalia kona ba herois feto no mane, mane ita tane aas maibe feto sira
la’e,” nia hateten.
Maibe
nudar feto, nia orgulho tanba governu iha ona hanoin atu valorize feto heroina
sira no GMPTL apoia hanoin ida ne’e no pronto atu aprova orsamentu bainhira
governu propoin iha orsamentu jeral do estado.
The
Dili Weekly - Paulina Quintão
Sem comentários:
Enviar um comentário