Grupu
xinés HNA, asionista hosi TAP liuhosi konsórsiu Atlantic Gateway no hosi
kompañia brazileiru Azul, konkorda sosa partisipasaun maioritáriu ida iha fundu
investimentu ida ne'ebé harii hosi asesor ida hosi Prezidente Estadus Unidus
nian, Donald Trump.
Tuir
jornal ofisial China Daily, fundu SkyBridge Capital, ne'ebé kaer karteira ida
ativu sira nian ho folin avaliadu dolar millaun 12.000, fó sai ona katak sei
fa'an maioria hosi nia asaun ba subsidiáriu HNA iha Estadus Unidus no ba RON
Transatlantic.
Akordu
kalkula katak Anthony Scaramucci, ne'ebé reprezenta ona ekipa tranzisaun Trump
nian iha Fórum Ekonómiku Mundial Davos nian, iha semana liubá, sei husik
empreza, bainhira mantén nia ekipa.
"Ami
nia investimentu iha SkyBridge hanesan hakat importante ida iha estratéjia HNA
Capital hodi harii negósiu global ida ba jestaun ativu sira nian", hatete
hosi konselleiru delegadu hosi HNA Capital, Yang Guang, ne'ebé haktuir hosi
China Daily.
HNA
kaer indiretamente besik 20% hosi kapital TAP nian, liuhosi partisipasaun ida
13% nian iha Azul (kompañia brazileiru David Neelman ne'ebé halo parte iha
Atlantic Gateway) no hosi 7% iha Atlantic Gateway.
Iha
Fevereiru, empreza xineza sosa ona distribuidora hosi teknolojia
norte-amerikanu Ingram Micro, ho dolar millaun 6.000, no konkorda selu euro
biliaun 1,3 ba Gategroup, empreza "catering" boot daruak ba aviaun
sira iha mundu.
Grupu,
ne'ebé atua iha área sira turizmu, aviasaun, imobiliáriu no lojístiku, konkorda
mós, iha fulan-Outubru liubá, hodi selu dolar millaun 6.500 ba fundu Blackstone
ho 25% hosi kapital hosi grupu hotel norte-amerikanu Hilton.
SAPO
TL ho Lusa
Sem comentários:
Enviar um comentário