quarta-feira, 25 de janeiro de 2017

TL: Deskobre Katak Rejista 600 Kazu HIV-SIDA

PARTILHAR
DILI (ANTIL) – Sekretariadu Ezekutivu Komisaun Nasional HIV-SIDA, Daniel Marcal dehan kazu HIV-SIDA Timor-Leste iha ona molok independénsia no númeru sempre aumenta kada tinan.

Tuir informasaun ne’ebé ANTIL hetan, tinan 13 ikus iha 600 kazu ne’ebé diskobre, 29 porsentu ema klosan tinan 15-24, 59 porsentu tinan 25-44 no 9 porsentu tinan 45 ba-leten no idade 14 ba-kraik.

Daniel Marcal informa, númeru hirak ne’e laiha limitadu ho data hosi ospitál no klínika sira. Iha posiblidade númeru hirak ne’e sei aumenta tamba ema barak mak la informa sira nia moras HIV-SIDA tamba rajaun barak. “Ema ne’ebé kona HIV-SIDA husi 13 distritu hotu iha maibé barak liu iha Díli, tuir mai Bobonaro, Kovalima-Suai, Oekusse no Ermera”.

“Governu kontinua kombate HIV-SIDA no kada tinan aloka mais ou menus US$ 600 mill ba klínika no grupu ne’ebé toma konta ba tratamentu”, dehan Daniel Marcal.

Tuir nia, fatór prinsipál ne’ebé kontribui  númeru HIV-SIDA mak hanesan defisiente edukasaun no ladun komprende kona-ba importansia vida saudável.

“Ema sira submete ba protistuisaun barak mak mai husi fero klosan ne’ebé mai husi família kiak no husi Atambua Indonézia ne’ebé besik ho ita nia fronteira entre Indonézia”, dehan Daniel Marcal.


Nune’e nia dehan tan, iha tempu badak komisaun sei asina akordu ida ho Indonézia atu monotoriza movimentu ema ne’ebé liu fronteira, atu minimiza influensia HIV-SIDA iha área fronteira. (Jornalista: Julia Chatarina/ Editor : Alberto Alves)
PARTILHAR

Author: verified_user

Publicação luso-timorense sem fins lucrativos

0 comentários: