Agora dada’uk
Governu hasai ona dekretu lei ida hodi implementa ba transporte públiku no
privadu sira iha Dili laran atu selu multa, kuandu para la tuir regras trânzitu
ninian.
Vise Ministru Obras
Públikas Transporte no Komunikasaun (MOP-TK), Inacio Moreira, informa katak,
dekretu lei ne’e sei implementa iha tempu badak.
“Governu halo ona
dekretu lei ida ba estasionamentu transporte sira ne’e, dekretu lei ne’e se iha
hela Prezidenti Repúblika, kuandu públika ona ita sei prepara fatin sira ne’ebé
estasionamentu ninian, ita tenki kria kondisoens,”dehan Inacio Moreira ba
jornalista sira iha Parlamentu Nasionál (PN), Sesta (20/01).
Inacio hatutan,
MOP-TK oras ne’e dada’uk halo hela kooperasaun ho Polisia Nasionál Timor Leste
(PNTL), hodi halo kontrolu ba kareta sira ne’ebé atu para, tenki para tuir
estrada no para ho lolos.
“Sira ne’ebé para
ladun los ne’e, kuandu polisia sira hetan, kareta na’in ne’e sei hetan sansaun
no prende karta kondusaun, atu kareta na’in ne’e tenki selu multa,”katak
Inacio.
Maibé Inacio dehan,
dekretu lei ida ne’e Governu presiza halo uluk sosializasaun ba públiku hodi
públiku bele hatene antes atu implementa lei ne’e.
Eis deputadu
bankada FRETILIN ne’e dehan, ida ne’e depende ba konsiensia ida-ida ninian,
kuandu lori kareta tuir regras, ema ida sei la obriga atu multa.
Hein Nakroma II
Alende ne’e, Inacio
Moreira mós informa katak, oras ne’e dadauk povu Oecusse hein hela Ró Nakroma
II.
“Nakroma
segundu (II) ne’e, Governu Alemanha mak tau osan, no ita mós tau. Ita
hein katak, Ró Nakroma segundu ne’e bele lalais, no agora dada’uk ne’e Ró
Nakroma segundu ne’e tama iha faze aprovizionamentu,” relata Inacio.
Nakroma primeiru
ne’ebé hetan ajuda husi Alemanha ne’e oras ne’e dadauk halo hela manutensaun
iha Indonesia.cos
Jornal Nacional
Sem comentários:
Enviar um comentário