Dili
(ANTIL) – Organizasaun Rede Feto prontu suporta feto ne’ebé hakarak
kandidata an ba eleisaun prezidensiál iha periódu 2017-2022.
“Rede
Feto servisu hodi promove feto potensiál sira hodi sai lideransa ne’ebé di’ak
iha vida polítika tantu hosi kandidatura independente no hosi partidu
polítiku,” informa Prezidente Rede Feto, Judite Dias Ximenes ba ANTIL iha
Salaun Alola Foundation, Maskariñas, Tersa (24/01/2017).
Tuir
nia, durante ne’e, laiha feto ida mak mai hakbesik an ba Rede Feto atu dehan
kandidata an ba Prezidente Repúblika maibé wainhira grupu feto ruma mak hakarak
organiza an, ami sempre apoia nafatin.
Koalia
kona-ba Prezidente Partidu Traballista, Angela Freitas ne’ebé hakarak kandidata
an, Prezidente Rede Feto esplika, lei garante ba sidadaun hotu-hotu hodi
kandidata an maibé organizasaun Rede Feto laiha indikasaun atu suporta feto atu
kandidata an maibé fasilita partidu polítiku sira atu prepara feto lideransa
atu sai lider di’ak iha vida polítika.
Normalmente,
Rede Feto fo kapasitasaun ba lideransa feto partidu polítiku ne’ebé rejista no
mós partidu ne’ebé hetan asentu iha Parlamentu Nasionál.
Entretantu,
Rede Feto nia papél la’os atu identifika figura ruma maibé atu hakbiit feto,
halo advokasia no influénsia nain ulun sira hodi halo mudansa ba polítika ruma
relasiona ho feto nia direitu. (Jornalista:
Zezito Silva / Editór: Gantry Meilana)
Sem comentários:
Enviar um comentário