DILI
(ANTIL) – Primeiru-Ministru (PM), Rui Maria de Araujo no Sekretariu Estadu
Komunikasaun Sosial (SECOMS), Nelio Isaac Sarmento halo enkontru informál ho
Jornalista sira, iha Palásiu Governu, Tersa (03/01), nuda’ar atividade dahuluk
ne’ebé hala’o iha tinan 2017.
Durante
enkontru wainhira hatan perguntas husi jornalista balun kona-ba konsumu alkol
husi ita nia sosiedade, Primeiru-Ministru afirma, ida ne’e nuda’ar prioridade
Governu nian ba tinan 2017.
“Faktu
ne’ebe ita bele konfirma katak, konsumu alkol iha ita nia sosiedade ne’e la
reguladu, signifika laiha regulamentu spesífiku ida kona-ba oinsá uza alkol,
ne’eduni kestaun ida ne’e sai prioridade Governu iha tinan 2017 nian atu
hadia”, dehan PM ba jornalista.
Nia
hatutan, abuzu konsome alkol sai-mós fatór ida ne’ebe bele hamosu violénsia,
krimi no buat seluk.
“Governu
buka hela mekanizmu oinsá atu regula kestaun ne’e (utilizasaun alkol-red),
dezafiu importante mak oinsá kapasidade atu fiskaliza, atu garanti katak, ita
difini ona regulamentu no implementa duni, la’ós iha área alkol nian de’it
maibé iha área seluk hotu”, tenik PM.
Oras
ne’e daudaun Timor-Leste iha ona Dekretu-Lei ida kona-ba kontrolu tabaku maibé
tuir PM, Governu sidauk iha kapasidade atu kontrola, tamba wainhira Ezekutivu
hamosu polítika ida, tenki sukat mós kapasidade atu kontrola. (Jornalista:
Julia Chatarina/Editor: Alberto Alves)
Foto:
Primeiru-Ministru (PM), Rui Maria de Araújo. Foto, ANTIL/ António Gonçalves,
Tersa, 03/01/2017
Sem comentários:
Enviar um comentário