Polísia
turku kaer ona iha loron-segunda, iha Istambul, ema na'in ualu ne'ebé deskonfia
halo parte iha atake terorista hasoru diskoteka "Reina", iha kalan
pasajen tinan foun nian, ne'ebé halo ema na'in 39 mate.
Tuir
jornal turku Hurriyet, suspeitu sira kaer hosi unidade antiterorista polísia
nian, iha operasaun ida ne'ebé sei hala'o hela.
Autoridade
turku sira halo blokeiu temporáriu ida kona-ba kobertura notísia atake nian,
afeta divulgasaun iha nasaun, haktuir hosi ajénsia notísia Associated Press
(AP).
Serbisu
informasaun sira turku nian indika ona katak iha asaun hanesan entre atake iha
diskoteka "Reina" ho atentadu iha aeroportu Ataturk, ne'ebé duun ba
EI, no ne'ebé halo ema na'in 45 mate iha loron 28 Juñu tinan liubá.
Polísia
sentra investigasaun iha sélula sira EI nian ne'ebé mai hosi Uzbekistaun no
Kirgikistaun, maibé mós iha ramu sira turku nian hosi grupu extremista.
Atake
iha loron-domingu halo hosi ema deskoñesidu ida, ne'ebé polísia seidauk kaer,
iha tuku 01:30 oras lokal, iha diskoteka exkluzivu ida ne'ebé situa iha mota
Bósforo nia ninin, ne'ebé ema atus resin halo festa hodi simu tinan foun.
Aleinde
na'in 39 mate, barak liu ema estranjeiru, ema na'in 69 kanek.
Grupu
extremista Estadu Islámiku (EI) reivindika ona, iha loron-segunda ne'e, autoria
hosi atentadu ne'ebé halo iha diskoteka Istanbul.
SAPO
TL - ho Lusa – Foto: AFP Photo@ Yasin Akgul
Sem comentários:
Enviar um comentário