PR mosambikanu koa’lia fila fali ho Dhlakama kona-ba sesárfogu

Prezidente mosambikanu, Filipe Nyusi, horisehik halo balansu  pozitivu ida kona-ba  sesárfogu temporáriu, hafoin konversa telefónika ho líder Renamo, no husu ba Afonso Dhlakama atu  konfirmaa hodi hanaruk tan sesárfogu ne’ebé agora la’o hela.

"Nia [Dhlakama] hatete, tanba saida Governu lahalo atake ruma", afirma Filipe Nyusi ba jornalista sira iha Maputo,  palásiu Ponta Vermelha, rezidénsia ofisiál xefe Estadu, kona-ba posibilidade hapara konfrontu hodi hatene kona-ba hanaruk tempu.

Jornal O País no diário eletrónico Mediafax fó sai iha horisehik katak akordu temporáriu atu hapara konfrontu, ne’ebé liu ona iha kuarta-feira ne’e, sei haluan tan ba fulan rua.

Kontaktadu hosi  Lusa,  portavós Resistência Nacional Moçambicana (Renamo), António Muchanga, lakohi konfirma notísia hirak ne’e, refere deit katak  prevé ona deklarasau ida ba imprensa aban tersa-feira iha sede nasionál partidu nian, iha  Maputo.

Prezidente mosambikanu hato’o ninia konfiansa "katak  kria no harii no sei sai  produtivu", afirma ba  sosiedade "atu fiar no enkoraja atu  bele koa’lia".

Filipe Nyusi halo balansu pozitivu ida iha semana sesárfogu ne’ebé  aseita entre parte rua, iha ninia  konversa ho líder opozisaun, no hatutan hanesan "mosambikanu ne’ebé  diskute hela kona-ba problema Mosambiké", liuhosi  perspetivu negósiu no laiha ultimatu.

Tuir  O País,  trégua foun ne’e sei to’o iha sesaun Assembleia República dahuluk, ne’ebé sei hala’o  no  aprova akordu agora hodi alkansa negosiasaun dame foin lalais ne’e.

Líder Renamo, Afonso Dhlakama, anunsia tersa-feira trégua ho  semana ida, no hotu iha kuarta-feira ne’e, hanesan "jesto ho vontade di’ak", liuhosi  segimento konversa telefónika ida ne’ebé mantein loron liubá ho Prezidente mosambikanu.

Justifika desizaun ne’e, líder da Renamo refere katak hakarak atu hakotu  sofrimentu populasaun no fasilita retoma negosiasaun dame.

"Karik buat hotu la’o di’ak, sein insidente, tanba saida lahanarul tan prazu ne’e?", haktuir líder opozisaun, admite posibilidade sesárfogu ida definitivu.

Dhlakama hato’o katak  nia mantein konversa ho Nyusi, ho objetivu atu "kuda konfiansa", maibé sei lakohi iha kontinuasaun mediadór internasionál ba negosiasaun dame.

Iha ninia diskursu estadu nian ba nasaun, Prezidente mosambikanu, hatete katak  husu ba Renamo atu harii  grupu serbisu  espesializadu ida, "sein distinsaun polítika" nein prezensa grupu atuál mediadór hodi diskute pakote desentralizasaun, tema esensiál ida hosi negosiasaun dame nian.

Serbisu komisaun mista hosi delegasaun Governu no Renamo para iha meadu dezembro sein akordu kona-ba  pakote desentralizasaun no mediadór sira abandona Maputo, refere katak  karik fila bainhira konvoka hosi parte rua.

Sentru no norte Mosambiké hasoru hela violénsia militar, iha sekuénsia  rekuza Renamo atu aseita rezultadu eleisaun  jerál 2014, ezije ukun iha provínsia neen ne’ebé hetan vitória iha eleisaun.

Aléinde pakote desentralizasaun no  sesasaun konfrontu, ajenda prosesu negosiál integra despartidarizasaun Forsa Defeza no Seguransa, no dezarmamentu liman-kroat  opozisaun no ninia reintegrasaun iha vida sivil.

SAPO TL ho Lusa